Texts

Help

Select a text:
Bibliography
Select a chapter:
 (no revisions)
Associated topic(s): priest, ṛtvij

Show parallels  Show headlines
Use dependency labeler
Chapter id: 12517
  • Click on a sentence to show its analysis
  • Keep the mouse pointer over a lemma to show its meanings.
ṛtvijo vṛṇīte 'nyūnānatiriktāṅgān ye mātṛtaḥ pitṛtaś ceti yathoktaṃ purastāt // (1.1) Par.?
yūna ṛtvijo vṛṇīta ity eke // (2.1) Par.?
brahmāṇam eva prathamaṃ vṛṇīte 'tha hotāram athādhvaryum athodgātāram // (3.1) Par.?
sarvān vā ye 'hīnaikāhair yājayanti // (4.1) Par.?
sadasyaṃ saptadaśaṃ kauṣītakinaḥ samāmananti sa karmaṇām upadraṣṭā bhavatīti // (5.1) Par.?
tad uktam ṛgbhyāṃ yam ṛtvijo bahudhā kalpayanta iti // (6.1) Par.?
hotāram eva prathamaṃ vṛṇīte // (7.1) Par.?
agnir me hotā sa me hotā hotāraṃ tvā amuṃ vṛṇa iti hotāram // (8.1) Par.?
candramā me brahmā sa me brahmā brahmāṇaṃ tvāmuṃ vṛṇa iti brahmāṇam / (9.1) Par.?
ādityo me 'dhvaryur ity adhvaryum // (9.2) Par.?
parjanyo ma udgātā ity udgātāram // (10.1) Par.?
āpo me hotra āśaṃsinya iti hotrakān // (11.1) Par.?
raśmayo me camasādhvaryava iti camasādhvaryūn // (12.1) Par.?
ākāśo me sadasya iti sadasyam // (13.1) Par.?
sa vṛto japen mahan me 'voco bhargo me 'voco bhago me 'voco yaśo me 'vocaḥ stomaṃ me 'vocaḥ kᄆptiṃ me 'voco bhuktiṃ me 'vocas tṛptiṃ me 'vocaḥ sarvaṃ me 'voca iti // (14.1) Par.?
japitvāgniṣ ṭe hotā sa te hotā hotāhaṃ te mānuṣa iti hotā pratijānīte // (15.1) Par.?
candramās te brahmā sa te brahmā brahmā // (16.1) Par.?
evam itare yathādeśam // (17.1) Par.?
tan mām avatu tan māviśatu tena bhukṣiṣīyeti ca yājayiṣyan // (18.1) Par.?
nyastam ārtvijyam akāryam ahīnasya nīcadakṣiṇasya vyādhitasyāturasya yakṣmagṛhītasyānudeśyabhiśastasya kṣiptayonir iti caiteṣām // (19.1) Par.?
somapravākaṃ paripṛcchet ko yajñaḥ ka ṛtvijaḥ kā dakṣiṇeti // (20.1) Par.?
kalyāṇaiḥ saha samprayogaḥ // (21.1) Par.?
na māṃsam aśnīyur na striyam upeyur ā krator apavargāt // (22.1) Par.?
etenāgne brahmaṇā vāvṛdhasveti dakṣiṇāgnāvājyāhutiṃ hutvā yathārthaṃ pravrajet // (23.1) Par.?
evam anāhitāgnir gṛhya imām agne śaraṇim mīmṛṣo na ityetayarcā // (24.1) Par.?
Duration=0.074466943740845 secs.