Texts

atha khoṭabandhamāha bandha iti // (1) Par.?

khoṭakaraṇaprakārastu rasasāra uvāca / (2.1) Par.?

bandhane yāśca vikhyātā aṣṭāveva mahauṣadhīḥ / (2.2) Par.?

tābhiṣṭaṅkaṇayuktābhir bhāvayecca raseśvaram / (2.3) Par.?

tābhir viliptamūṣāyāṃ dhamanāt khoṭatāṃ vrajet // (2.4) Par.?

iti // (3) Par.?

sa evātidhmānāt kṣayaṃ gacchati // (4) Par.?

sa ca khoṭabandho bodhyaḥ // (5) Par.?

atra pārado jīrṇaṣaḍguṇagandho grāhyaḥ // (6) Par.?

abhrakadānena piṣṭīkṛto vā grāhyaḥ // (7) Par.?

somavallīrase piṣṭvā dāpayecca puṭatrayam / (8.1) Par.?

somavallīrasenaiva saptavārāṃśca bhāvayet // (8.2) Par.?

tadabhraṃ mṛdbhāṇḍe dadyād rasena saha saṃyutam / (9.1) Par.?

mūlaṃ tu śarapuṅkhāyā gavyakṣīreṇa gharṣayet // (9.2) Par.?

kalkena melayet sūtaṃ gaganaṃ ca tadadhordhvagam / (10.1) Par.?

sthāpayed ravitāpe tu nirmukho grasate kṣaṇāt / (10.2) Par.?

jāyate piṣṭikā śīghraṃ nātra kāryā vicāraṇā // (10.3) Par.?

iti // (11) Par.?

piṣṭībandhastu khoṭaka iti varṇanād atra piṣṭikārūpam ucyate // (12) Par.?

khoṭalakṣaṇaṃ granthāntare tu / (13.1) Par.?

dhmāto druto bhavet khoṭa āhataścūrṇatāṃ vrajet / (13.2) Par.?

punar dhmāto drutaḥ khoṭa iti khoṭasya lakṣaṇam // (13.3) Par.?

ghanasattvapādajīrṇaḥ kāntapādajīrṇaḥ samatīkṣṇajīrṇaścedvāyaṃ kṣetrīkaraṇārtham api praśastaḥ // (14) Par.?