Texts

Help

Select a text:
Bibliography

Select a chapter:
(no revisions)

Associated topic(s): animal sacrifice, paśubandha, aṣṭakā

Show parallels Show headlines
Use dependency labeler

Chapter id: 13602

Click on a sentence to show its analysis
Keep the mouse pointer over a lemma to show its meanings.

śvo bhūte pitṛbhyo gām ālabhate // (1) Par.?

agnimupasamādhāya yathā purastādājyena prāyaścittaṃ hutvaikena barhiṣaikaśūlayā ca vapāśrapaṇyopākaroti // (2) Par.?

pitṛbhyas tvā juṣṭām upākaromītīmāṃ pitṛbhyo gāmupākaroti // (3) Par.?

ūrjasvatīṃ payasvatīṃ tāṃ me juṣantāṃ pitaraḥ sametāḥ / (4.1) Par.?

medasvatī ghṛtavatī svadhāvatī sā me pitṝn sāṃparāyai dhinotv ity upākaraṇīyāṃ hutvā pitṛbhyas tvā juṣṭāṃ prokṣāmīti prokṣitāṃ paryagnikṛtāṃ pratyakśirasaṃ dakṣiṇāpadīṃ saṃjñapayanti // (4.2) Par.?

saṃjñaptāyā adbhiḥ prāṇānāpyāyya tūṣṇīmeva vapām uddhṛtya hṛdayam uddharati prajñāte ca matasne / (5.1) Par.?

audumbaryāṃ vapāśrapaṇyāṃ vapāṃ śrapayitvaudumbareṣu śūleṣu pṛthag itarāṇi śrapayitvaudumbaryā darvyopastīrṇābhighāritāṃ vapāṃ juhoti vaha vapāṃ jātavedaḥ pitṛbhyo yatrainānvettha nihitān parāke / (5.2) Par.?

medasaḥ kulyā upa tān kṣarantu satyā eṣāmāśiṣaḥ santu kāmaiḥ svadhā namaḥ pitṛbhyaḥ svāheti // (5.3) Par.?

Duration=0.08593487739563 secs.