Texts

Help

Select a text:
Bibliography
Select a chapter:
 (no revisions)
Associated topic(s): upaniṣkramaṇa

Show parallels  Show headlines
Use dependency labeler
Chapter id: 12319
  • Click on a sentence to show its analysis
  • Keep the mouse pointer over a lemma to show its meanings.
caturthe māsyupaniṣkramaṇam // (1.1) Par.?
brāhmaṇānannena pariviṣya puṇyāhaṃ svastiṛddhim iti vācayitvā // (2.1) Par.?
atha devayajanollekhanaprabhṛtyāgnimukhāt kṛtvā svastyātreyaṃ juhoti // (3.1) Par.?
svasti no mimītāmaśvinā bhagaḥ svasti devyaditir anarṇavaḥ / (4.1) Par.?
svasti pūṣā asuro dadhātu naḥ svasti dyāvāpṛthivī suketunā // (4.2) Par.?
svastaye vāyumupabravāmahai somaṃ svasti bhuvanasya yas patiḥ / (5.1) Par.?
bṛhaspatiṃ sarvagaṇaṃ svastaye svastaya ādityāso bhavantu naḥ // (5.2) Par.?
viśve devā no adyā svastaye vaiśvānaro vasuragniḥ svastaye / (6.1) Par.?
devā avantvṛbhavaḥ svastaye svasti no rudraḥ pātvaṃhasaḥ // (6.2) Par.?
svasti mitrāvaruṇā svasti pathye revati / (7.1) Par.?
svasti na indraścāgniśca svasti no adite kṛdhi // (7.2) Par.?
svati panthāmanucarema sūryācandramasāviva / (8.1) Par.?
punar dadatāghnatā jānatā saṃgamemahi // (8.2) Par.?
svastyayanaṃ tārkṣyamariṣṭanemiṃ mahadbhūtaṃ vāyasaṃ devatānām / (9.1) Par.?
asuraghnīmindrasakhaṃ samatsu bṛhadyaśo nāvamivāruhema // (9.2) Par.?
aṃhomucamāṅgirasaṃ gayaṃ ca svastyātreyaṃ manasā ca tārkṣyam / (10.1) Par.?
prayatapāṇiḥ śaraṇaṃ prapadya svasti saṃbādheṣvabhayaṃ no astu // (10.2) Par.?
svasti na indro vṛddhaśravāḥ svasti naḥ pūṣā viśvavedāḥ / (11.1) Par.?
svasti nastārkṣyo ariṣṭanemiḥ svasti no bṛhaspatirdadhātu / (11.2) Par.?
ityaṣṭābhir anucchandasam // (11.3) Par.?
jayaprabhṛti siddham ā dhenuvarapradānāt // (12.1) Par.?
athopaniṣkramya bāhyāni citriyāṇyabhyarcya trivṛtānnena brāhmaṇān sampūjyāśiṣo vācayitvā pradakṣiṇīkṛtya svān gṛhānānayati // (13.1) Par.?
Duration=0.094851016998291 secs.