Texts

Select a text:
Bibliography

Select a chapter:
(no revisions)

Associated topic(s): māsiśrāddha, śrāddha

Show parallels Show headlines
Use dependency labeler

Chapter id: 15779

Click on a sentence to show its analysis
Keep the mouse pointer over a lemma to show its meanings.

amāvāsyāyām aparāhṇe māsiśrāddham aparapakṣasya vāyukṣv ahaḥsu // (1.1) Par.?

pitṛbhyo 'nnaṃ saṃskṛtya prācīnāvītaṃ kṛtvāgnim upasamādhāya dakṣiṇāprāgagrair darbhair agniṃ paristīrya dakṣiṇapūrvam avāntaradeśam abhimukhaḥ pitṝn āvāhayati / (2.1) Par.?

āyāta pitaraḥ somyā gambhīraiḥ pathibhiḥ pūrvyaiḥ / (2.2) Par.?

prajāmasmabhyaṃ dadato rayiṃ ca dīrghāyutvaṃ ca śataśāradaṃ ca / (2.3) Par.?

āyāta pitāmahāḥ prapitāmahāś cānugaiḥ saha / (2.4) Par.?

asuṃgamāḥ satyayujo 'vṛkāsaḥ / (2.5) Par.?

ā no havaṃ pitaro 'dyāgamantu / (2.6) Par.?

eha gacchantu pitaro haviṣe attavā iti // (2.7) Par.?

etām eva diśam abhy apaḥ prasiñcaty āpo devīḥ prahiṇutemaṃ yajñaṃ pitaro no juṣantāṃ māsīnām ūrjam uta ye bhajante te no rayiṃ sarvavīrāṃ niyacchantv iti // (3.1) Par.?

pariṣicya juhoti / (4.1) Par.?

yāḥ prācīḥ sambhavanty āpa uttarataś ca yāḥ / (4.2) Par.?

adbhir viśvasya bhuvanasya dhartrībhir antar anyaṃ pitur dadhe 'muṣmai svāhā / (4.3) Par.?

antardadhe parvatair antar mahyā pṛthivyā / (4.4) Par.?

divā digbhir anantābhir ūtibhir antar anyaṃ pitāmahād dadhe 'muṣmai svāhā / (4.5) Par.?

antardadha ṛtubhir ahorātraiḥ sasaṃdhikaiḥ / (4.6) Par.?

ardhamāsaiś ca māsaiś cāntaranyaṃ prapitāmahād dadhe 'muṣmai svāhā / (4.7) Par.?

yad vaḥ kravyād aṅgam adahal lokān ayaṃ praṇayañjātavedāḥ / (4.8) Par.?

tad vo ahaṃ punar āveśayāmy ariṣṭāḥ sarvair aṅgaiḥ saṃbhavata pitaraḥ svadhā namaḥ pitṛbhyaḥ svāheti // (4.9) Par.?

Duration=0.06558895111084 secs.