Texts

Help

Select a text:
Bibliography
Select a chapter:
 (no revisions)
Associated topic(s): śūlagava

Show parallels  Show headlines
Use dependency labeler
Chapter id: 15842
  • Click on a sentence to show its analysis
  • Keep the mouse pointer over a lemma to show its meanings.
atha śūlagavaḥ saṃvatsare saṃvatsare mārgaśīrṣyāṃ paurṇamāsyāṃ kriyeta // (1.1) Par.?
api vārdrāyām // (2.1) Par.?
goṣu vopataptāsu goṣu guptāsu // (3.1) Par.?
araṇye 'gnim upasamādhāya saṃparistīryā praṇītābhyaḥ kṛtvā barhir ādāya gām upākaroti īśānāya tvā juṣṭām upākaromi iti // (4.1) Par.?
tūṣṇīm ity eke // (5.1) Par.?
athainām adbhiḥ prokṣati īśānāya tvā juṣṭāṃ prokṣāmi iti // (6.1) Par.?
tūṣṇīm ity eke // (7.1) Par.?
tām atraiva pratīcīnaśirasīm udīcīnapadīṃ saṃjñapayanti // (8.1) Par.?
tasyai saṃjñaptāyā adbhir abhiṣekam // (9.1) Par.?
prāṇān āpyāyayati tūṣṇīm // (10.1) Par.?
tūṣṇīṃ vapām utkhidya hṛdayam uddharati // (11.1) Par.?
prajñātāni cāvadānāni // (12.1) Par.?
tāny eṣv eva śūleṣūpanīkṣya tasminn evāgnau śrapayanti // (13.1) Par.?
athaitāni śūlebhya upanīkṣya punaḥ kumbhyāṃ śrapayanti // (14.1) Par.?
athaitāny abhighāritāny udvāsya pratiṣṭhitam abhighārayati // (15.1) Par.?
paridhānaprabhṛty āgnimukhāt kṛtvā daivatam āvāhayati / (16.1) Par.?
ā tvā vahantu harayaḥ sacetasaḥ śvetair aśvaiḥ saha ketumadbhiḥ / (16.2) Par.?
vātājirair balavadbhir manojavair āyāhi śīghraṃ mama havyāya śarvom iti // (16.3) Par.?
atha sruveṇopastīrṇām abhighāritāṃ vapāṃ juhoti sahasrāṇi sahasraśaḥ iti puronuvākyām anūcya īśānaṃ tvā bhuvanānām abhiśriyam iti yājyayā juhoti // (17.1) Par.?
atraitāny avadānānīḍāsūne pracchidyaudanaṃ māsaṃ yūṣam ity ājyena samudāyutya mekṣaṇenopaghātaṃ pūrvārdhe juhoti bhavāya devāya svāhā śarvāya devāya svāhā īśānāya devāya svāhā paśupataye devāya svāhā rudrāya devāya svāhā ugrāya devāya svāhā bhīmāya devāya svāhā mahate devāya svāhā iti // (18.1) Par.?
atha madhye juhoti bhavasya devasya patnyai svāhā śarvasya devasya patnyai svāhā īśānasya devasya patnyai svāhā paśupater devasya patnyai svāhā rudrasya devasya patnyai svāhā ugrasya devasya patnyai svāhā bhīmasya devasya patnyai svāhā mahato devasya patnyai svāhā iti // (19.1) Par.?
athāparārdhe juhoti bhavasya devasya sutāya svāhā śarvasya devasya sutāya svāhā īśānasya devasya sutāya svāhā paśupater devasya sutāya svāhā rudrasya devasya sutāya svāhā ugrasya devasya sutāya svāhā bhīmasya devasya sutāya svāhā mahato devasya sutāya svāhā iti // (20.1) Par.?
athājyāhutīrupajuhoti namaste rudra manyave ity āntād anuvākasya / (21.1) Par.?
sviṣṭakṛtprabhṛti siddham ā dhenuvarapradānāt // (21.2) Par.?
athāgreṇāgnim arkaparṇeṣu hutaśeṣaṃ nidadhāti yo rudro agnau yo apsu ya oṣadhīṣu yo rudro viśvā bhuvanāviveśa tasmai rudrāya namo astu iti // (22.1) Par.?
sthālīsaṅkṣālanam ājyaśeṣam udakaśeṣaṃ ca pātryāṃ samānīya vetasaśākhayāvokṣan sarvataḥ triḥ pradakṣiṇaṃ gāḥ paryety ā gāvo agmann uta bhadram akran ity etena sūktena // (23.1) Par.?
mahat svastyayanam ity ācakṣate // (24.1) Par.?
atha yadi gāṃ na labhate meṣam ajaṃ vālabhate // (25.1) Par.?
īśānāya sthālīpākaṃ vā śrapayanti tasmād etat sarvaṃ karoti yad gavā kāryam // (26.1) Par.?
śūlagavo vyākhyātaḥ // (27.1) Par.?
evam evāṣṭamyāṃ pradoṣe kriyetaitāvad eva nānā // (28.1) Par.?
nātropākaraṇaṃ paśoḥ // (29.1) Par.?
Duration=0.054889917373657 secs.