Texts

Help

Select a text:
Bibliography
Select a chapter:
 (no revisions)
Associated topic(s): vrata

Show parallels  Show headlines
Use dependency labeler
Chapter id: 15857
  • Click on a sentence to show its analysis
  • Keep the mouse pointer over a lemma to show its meanings.
aṣṭācatvāriṃśatsaṃmitaṃ sammitam ity ācakṣate // (1.1) Par.?
tasya saṃkṣepaḥ saṃvatsaraḥ // (2.1) Par.?
tat saṃvatsaram anuvyākhyāsyāmaḥ // (3.1) Par.?
sa yadi brahmacārī syān niyamam eva pratipadyate // (4.1) Par.?
atha yady abrahmacārī syāt keśaśmaśrulomanakhāni vāpayitvā tīrthaṃ gatvā snātvāpa ācamya surabhimatyābliṅgābhir vāruṇībhir hiraṇyavarṇābhiḥ pāvamānībhir vyāhṛtibhir iti mārjayitvāntarjalagato 'ghamarṣaṇena ṣoḍaśa prāṇāyāmān dhārayitvottīrya vāsaḥ pīḍayitvānyat prayataṃ vāsaḥ paridhāyāpa ācamya devayajanam udānayati // (5.1) Par.?
atha devayajanollekhanaprabhṛty āgnimukhāt kṛtvāthāvratyaprāyaścittaṃ juhoti nāhaṃ karomi kāmaḥ karoti kāmaḥ kartā kāmaḥ kārayitaitat te kāma kāmāya svāhā nāhaṃ karomi manyuḥ karoti manyuḥ kartā manyuḥ kārayitaitat te manyo manyave svāhā iti // (6.1) Par.?
atha yathopadeśaṃ pradhānāhutīr juhoti yājñikībhyo devatābhyaḥ saṃmitībhyaḥ svāhā iti catasraḥ // (7.1) Par.?
atha kāṇḍaṛṣiṃ juhoti svayambhuve kāṇḍaṛṣaye svāhā iti // (8.1) Par.?
atha sadasaspatiṃ juhoti sadasaspatim iti // (9.1) Par.?
atha sāvitrīṃ juhoti tat savituḥ ity etām // (10.1) Par.?
atha vedāhutīr juhoti ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyaḥ svāhā itihāsapurāṇebhyaḥ svāhā sarpadevajanebhyaḥ svāhā sarvabhūtebhyaḥ svāhā iti // (11.1) Par.?
atha catasra audumbarīḥ samidho 'pariśuṣkāgrā ghṛtānvaktā abhyādhāpayan vācayati // (12.1) Par.?
yājñikānāṃ vā vṛkṣāṇām anyatamasya // (13.1) Par.?
agne vratapate 'ṣṭācatvāriṃśatsaṃmitaṃ sammitaṃ vrataṃ cariṣyāmi tacchakeyaṃ tanme rādhyatāṃ svāhā vāyo vratapate 'ṣṭācatvāriṃśatsaṃmitaṃ sammitaṃ vrataṃ cariṣyāmi tacchakeyaṃ tanme rādhyatāṃ svāhā āditya vratapate 'ṣṭācatvāriṃśatsaṃmitaṃ sammitaṃ vrataṃ cariṣyāmi tacchakeyaṃ tanme rādhyatāṃ svāhā vratānāṃ vratapate 'ṣṭācatvāriṃśatsaṃmitaṃ sammitaṃ vrataṃ cariṣyāmi tacchakeyaṃ tanme rādhyatāṃ svāhā iti // (14.1) Par.?
jayaprabhṛti siddham ā dhenuvarapradānāt // (15.1) Par.?
evam eva vratānte / (16.1) Par.?
adhonābhy uparijānv ācchādya triṣavaṇam udakam upaspṛśan anagnipakvavṛttir acchāyopayogo nāgāraṃ praviśed anyatra guruniyogāt // (16.2) Par.?
bhaikṣaṃ vā tatkālaṃ bhuñjīta // (17.1) Par.?
kāmaṃ kandamūlaphalam // (18.1) Par.?
aparāhṇe prasiddham upaspṛśya tad api nopayuñjīta // (19.1) Par.?
strīśūdrapatitarabhasarajasvalābhiś ca na sambhāṣeta // (20.1) Par.?
kāmaṃ mātaram upādhyāyinīṃ bhaginīṃ ca // (21.1) Par.?
yāś cānyā evaṃyuktāḥ striyo 'śaktāḥ parākrame // (22.1) Par.?
sapraṇavā vyāhṛtayaḥ prāṇāyāmāgnīndhanabhaikṣācaraṇasthānāsanaśayanopasparśanasumanasonivedanāni ca // (23.1) Par.?
sarvāḥ sammitadevatās tarpayati brahmāṇaṃ tarpayāmi prajāpatiṃ tarpayāmi parameṣṭhinaṃ tarpayāmi sthāṇuṃ tarpayāmi śivaṃ tarpayāmi śarvaṃ tarpayāmi bahurūpaṃ tarpayāmi skandaṃ tarpayāmi indraṃ tarpayāmi yamaṃ tarpayāmi ṛṣīṃs tarpayāmi pitṝṃs tarpayāmi sarvāḥ sammitadevatās tarpayāmi iti prasaṃkhyāya samāpnuyāt // (24.1) Par.?
guroḥ samānavṛttiṣu guruvṛttiḥ syāt // (25.1) Par.?
preṣitas tad eva pratipadyetānyatra pātakāt // (26.1) Par.?
evaṃ dvādaśa saṃvatsarān ekādaśa nava sapta pañca trīn saṃvatsarān ṣaṇ māsān caturo māsān dvau māsau māsaṃ vā vrataṃ caret // (27.1) Par.?
api vā yo 'nūcānaḥ śrotriyaḥ sa dvādaśarātraṃ parākaṃ vā vrataṃ caren na tv evāsaṃmitī syāt // (28.1) Par.?
sa eṣa carati daśa pūrvān daśāparān ātmānaṃ caikaviṃśatiṃ paṅktiṃ ca punāti // (29.1) Par.?
yasmā upadiśati yasyām upaviśati yasmai dadāti yasmāc ca pratigṛhṇāti tat sarvaṃ punāti // (30.1) Par.?
vratasamāptau vedasamāptau vā gurudakṣiṇām āhared dhārmiko yathāśakti // (31.1) Par.?
viṣamagate tv ācārya ugrataḥ śūdrato vāharet // (32.1) Par.?
sarvato vogrataḥ śūdrato 'py ācāryārthaṃ syād āharaṇaṃ dhārmyam ity eke // (33.1) Par.?
etena dhātrantaraśaivabahurūpapārṣadaskandendrāṇāṃ vratānāṃ samāpanaṃ brahmābhyased ṛksāma yajur vā chandasām anusavanaṃ labheta kāmam iti ha smāha bodhāyanaḥ // (34.1) Par.?
Duration=0.063292980194092 secs.