Texts

aṣṭakānukṛtir māsikaṃ tat purastād vyākhyātam // (1.1) Par.?

athābhyudayikeṣu pradakṣiṇam upacāro yajñopavītaṃ prāgagrān darbhān yugmān brāhmaṇān yavais tilārthaḥ pṛṣadājyaṃ haviḥ // (2.1) Par.?

sopayāmena pātreṇa nāndīmukhāḥ pitaraḥ prīyantām ity apāṃ pratigrahaṇaṃ visarjanaṃ ca // (3.1) Par.?

nāndīmukhebhyaḥ pitṛbhyaḥ svāhety agnaukaraṇam anudeśanam // (4.1) Par.?

āśayeṣu parisamūḍheṣu prāgagreṣu darbheṣu pṛṣadājyenānupradānaṃ sarvaṃ dvir dvir iti // (5.1) Par.?

athaikoddiṣṭeṣu nāgnaukaraṇaṃ nābhiśrāvaṇaṃ na pūrvaṃ nimantraṇaṃ na daivaṃ na dhūpaṃ na dīpaṃ na svadhā na namaskāro nātrāpūpam // (6.1) Par.?

sarvaṃ siddhaṃ samānīyāyugmān brāhmaṇān suprakṣālitapāṇipādān apa ācamayya sadarbhopakﾱpteṣv āsaneṣūpaveśya sarvasmāt sakṛt sakṛt samavadāyābhighārya dakṣiṇato bhasmamiśrān aṅgārān nirūhya teṣu juhuyāt pretāyāmuṣmai yamāya ca svāhā iti / (7.1) Par.?

taddhutam ahutaṃ ca bhavati // (7.2) Par.?

amuṣmai tṛptir astv ity apāṃ pratigrahaṇaṃ visarjanaṃ ca / (8.1) Par.?

amuṣmā upatiṣṭhatv ity anudeśanam āśayeṣv eva piṇḍadānaṃ tṛpyasveti saṃkṣālanaṃ tṛptir astv iti visarjanam astu tṛptir itītareṣāṃ prativacanam // (8.2) Par.?

pretasya dvitīyāprabhṛti brāhmaṇabhojanair ekottaravṛddhir ā daśāhāt // (9.1) Par.?

atra navaṃ vicchidyeta // (10.1) Par.?

ekādaśyāṃ śrāddhaṃ tṛtīye pakṣe dvitīyaṃ saṃtatam ekaikenaikādaśa māsān nayanti na dvādaśamāsam abhyārohanti // (11.1) Par.?

saṃvatsare sapiṇḍīkaraṇaṃ sāgnaukaraṇaṃ sābhiśrāvaṇaṃ sapūrvaṃ sadaivaṃ sadhūpaṃ sadīpaṃ sasvadhā sanamaskāraṃ sāpūpam // (12.1) Par.?

athāpyudāharanti / (13.1) Par.?

ekoddiṣṭe navaśrāddhe nāgnaukaraṇam iṣyate / (13.2) Par.?

na cābhiśrāvaṇaṃ kuryān na ca pūrvaṃ tu kārayet // (13.3) Par.?

praṇāmaṃ ca na kurvīta svadhākāraṃ tathaiva ca / (14.1) Par.?

ūrdhvaṃ saṃvatsarāt pretaḥ pitṛtvam upapadyate // (14.2) Par.?

itīn nvā imā anukṛtayo vyākhyātāḥ // (15.1) Par.?