Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra, death rites, funeral rites, aurdhvadehika, pitṛmedha

Show parallels  Show headlines
Use dependency labeler
Chapter id: 5373
  • Click on a sentence to show its analysis
  • Keep the mouse pointer over a lemma to show its meanings.
mṛtaṃ dvijaṃ na śūdreṇa nirhārayet // (1.1) Par.?
na śūdraṃ dvijena // (2.1) Par.?
pitaraṃ mātaraṃ ca putrā nirhareyuḥ // (3.1) Par.?
na dvijaṃ pitaram api śūdrāḥ // (4.1) Par.?
brāhmaṇam anāthaṃ ye brāhmaṇā nirharanti te svargalokabhājaḥ // (5.1) Par.?
nirhṛtya ca bāndhavaṃ pretaṃ saṃṣkṛtyāpradakṣiṇena citām abhigamyāpsu savāsaso nimajjanaṃ kuryuḥ // (6.1) Par.?
pretasyodakanirvapaṇaṃ kṛtvaikaṃ piṇḍaṃ kuśeṣu dadyuḥ // (7.1) Par.?
parivartitavāsasaś ca nimbapatrāṇi vidaśya dvāryaśmani padanyāsaṃ kṛtvā gṛhaṃ praviśeyuḥ // (8.1) Par.?
akṣatāṃś cāgnau kṣipeyuḥ // (9.1) Par.?
caturthe divase 'sthisaṃcayanaṃ kuryuḥ // (10.1) Par.?
teṣāṃ gaṅgāmbhasi prakṣepaḥ // (11.1) Par.?
yāvatsaṃkhyam asthi puruṣasya gaṅgāmbhasi tiṣṭhati tāvad varṣasahasrāṇi svargalokam adhitiṣṭhati // (12.1) Par.?
yāvad āśaucaṃ tāvat pretasyodakaṃ piṇḍam ekaṃ ca dadyuḥ // (13.1) Par.?
krītalabdhāśanāś ca bhaveyuḥ // (14.1) Par.?
amāṃsāśanāśca // (15.1) Par.?
sthaṇḍilaśāyinaḥ // (16.1) Par.?
pṛthakśāyinaś ca // (17.1) Par.?
grāmānniṣkramyāśaucānte kṛtaśmaśrukarmāṇas tilakalkaiḥ sarṣapakalkair vā snātāḥ parivartitavāsaso gṛhaṃ praviśeyuḥ // (18.1) Par.?
tatra śāntiṃ kṛtvā brāhmaṇānāṃ ca pūjanaṃ kuryuḥ // (19.1) Par.?
devāḥ parokṣadevāḥ pratyakṣadevā brāhmaṇāḥ // (20.1) Par.?
brāhmaṇair lokā dhāryante // (21.1) Par.?
brāhmaṇānāṃ prasādena divi tiṣṭhanti devatāḥ / (22.1) Par.?
brāhmaṇābhihitaṃ vākyaṃ na mithyā jāyate kvacit // (22.2) Par.?
yad brāhmaṇās tuṣṭatamā vadanti tad devatāḥ pratyabhinandayanti / (23.1) Par.?
tuṣṭeṣu tuṣṭāḥ satataṃ bhavanti pratyakṣadeveṣu parokṣadevāḥ // (23.2) Par.?
duḥkhānvitānāṃ mṛtabāndhavānām āśvāsanaṃ kuryur adīnasattvāḥ / (24.1) Par.?
vākyais tu yair bhūmi tavābhidhāsye vākyānyahaṃ tāni mano'bhirāme // (24.2) Par.?
Duration=0.10272288322449 secs.