Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra

Show parallels  Show headlines
Use dependency labeler
Chapter id: 5421
  • Click on a sentence to show its analysis
  • Keep the mouse pointer over a lemma to show its meanings.
atha pāpātmanāṃ narakeṣvanubhūtaduḥkhānāṃ tiryagyonayo bhavanti // (1.1) Par.?
atipātakināṃ paryāyeṇa sarvāḥ sthāvarayonayaḥ // (2.1) Par.?
mahāpātakināṃ ca krimiyonayaḥ // (3.1) Par.?
anupātakināṃ pakṣiyonayaḥ // (4.1) Par.?
upapātakināṃ jalajayonayaḥ // (5.1) Par.?
kṛtajātibhraṃśakarāṇāṃ jalacarayonayaḥ // (6.1) Par.?
kṛtasaṃkarīkaraṇakarmaṇāṃ mṛgayonayaḥ // (7.1) Par.?
kṛtāpātrīkaraṇakarmaṇāṃ paśuyonayaḥ // (8.1) Par.?
kṛtamalinīkaraṇakarmaṇāṃ manuṣyeṣv aspṛśyayonayaḥ // (9.1) Par.?
prakīrṇakeṣu prakīrṇā hiṃsrāḥ kravyādā bhavanti // (10.1) Par.?
abhojyānnābhakṣyāśī krimiḥ // (11.1) Par.?
stenaḥ śyenaḥ // (12.1) Par.?
prakṛṣṭavartmāpahārī bileśayaḥ // (13.1) Par.?
ākhur dhānyahārī // (14.1) Par.?
haṃsaḥ kāṃsyāpahārī // (15.1) Par.?
jalahṛjjalābhiplavaḥ // (16.1) Par.?
madhu daṃśaḥ // (17.1) Par.?
payaḥ kākaḥ // (18.1) Par.?
rasaṃ śvā // (19.1) Par.?
ghṛtaṃ nakulaḥ // (20.1) Par.?
māṃsaṃ gṛdhraḥ // (21.1) Par.?
vasāṃ madguḥ // (22.1) Par.?
tailaṃ tailapāyikaḥ // (23.1) Par.?
lavaṇaṃ cīvivāk // (24.1) Par.?
dadhi balākā // (25.1) Par.?
kauśeyaṃ hṛtvā bhavati tittiriḥ // (26.1) Par.?
kṣaumaṃ darduraḥ // (27.1) Par.?
kārpāsatāntavaṃ krauñcaḥ // (28.1) Par.?
godhā gām // (29.1) Par.?
vālgudo guḍam // (30.1) Par.?
chuchundarir gandhān // (31.1) Par.?
patraśākaṃ barhī // (32.1) Par.?
kṛtānnaṃ sedhā // (33.1) Par.?
akṛtānnaṃ śalyakaḥ // (34.1) Par.?
agniṃ bakaḥ // (35.1) Par.?
gṛhakāry upaskaram // (36.1) Par.?
raktavāsāṃsi jīvajīvakaḥ // (37.1) Par.?
gajaṃ kūrmaḥ // (38.1) Par.?
aśvaṃ vyāghraḥ // (39.1) Par.?
phalaṃ puṣpaṃ vā markaṭaḥ // (40.1) Par.?
ṛkṣaḥ striyam // (41.1) Par.?
yānam uṣṭraḥ // (42.1) Par.?
paśūn gṛdhraḥ // (43.1) Par.?
yad vā tad vā paradravyam apahṛtya balān naraḥ / (44.1) Par.?
avaśyam yāti tiryaktvaṃ jagdhvā caivāhutaṃ haviḥ // (44.2) Par.?
striyo 'pyetena kalpena hṛtvā doṣam avāpnuyuḥ / (45.1) Par.?
eteṣām eva jantūnāṃ bhāryātvam upayānti tāḥ // (45.2) Par.?
Duration=0.13730502128601 secs.