Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra, Law

Show parallels  Show headlines
Use dependency labeler
Chapter id: 5353
  • Click on a sentence to show its analysis
  • Keep the mouse pointer over a lemma to show its meanings.
atha samayakriyā // (1.1) Par.?
rājadrohasāhaseṣu yathākāmam // (2.1) Par.?
nikṣepasteyeṣv arthapramāṇaṃ // (3.1) Par.?
sarveṣv evārthajāteṣu mūlyaṃ kanakaṃ kalpayet // (4.1) Par.?
tatra kṛṣṇalone śūdraṃ dūrvākaraṃ śāpayet // (5.1) Par.?
dvikṛṣṇalone tilakaram // (6.1) Par.?
trikṛṣṇalone rajatakaram // (7.1) Par.?
catuḥkṛṣṇalone suvarṇakaram // (8.1) Par.?
pañcakṛṣṇalone sītoddhṛtamahīkaram // (9.1) Par.?
suvarṇārdhone kośo deyaḥ śūdrasya // (10.1) Par.?
tataḥ paraṃ yathārhaṃ dhaṭāgnyudakaviṣāṇām anyatamam // (11.1) Par.?
dviguṇe 'rthe yathābhihitāḥ samayakriyā vaiśyasya // (12.1) Par.?
triguṇe rājanyasya // (13.1) Par.?
kośavarjaṃ caturguṇe brāhmaṇasya // (14.1) Par.?
na brāhmaṇasya kośaṃ dadyāt // (15.1) Par.?
anyatrāgāmikālasamayanibandhanakriyātaḥ // (16.1) Par.?
kośasthāne brāhmaṇaṃ sītoddhṛtamahīkaram eva śāpayet // (17.1) Par.?
prāgdṛṣṭadoṣe svalpe 'pyarthe divyānām anyatamam eva kārayet // (18.1) Par.?
satsu viditaṃ saccaritaṃ na mahatyarthe 'pi // (19.1) Par.?
abhiyoktā vartayecchīrṣam // (20.1) Par.?
abhiyuktaś ca divyaṃ kuryāt // (21.1) Par.?
rājadrohasāhaseṣu vināpi śīrṣavartanāt // (22.1) Par.?
strībrāhmaṇavikalāsamartharogiṇāṃ tulā deyā // (23.1) Par.?
sā ca na vāti vāyau // (24.1) Par.?
na kuṣṭhyasamarthalohakārāṇām agnir deyaḥ // (25.1) Par.?
śaradgrīṣmayoś ca // (26.1) Par.?
na kuṣṭhipaittikabrāhmaṇānāṃ viṣaṃ deyam // (27.1) Par.?
prāvṛṣi ca // (28.1) Par.?
na śleṣmavyādhyarditānāṃ bhīrūṇāṃ śvāsakāsinām ambujīvināṃ codakam // (29.1) Par.?
hemantaśiśirayoś ca // (30.1) Par.?
na nāstikebhyaḥ kośo deyaḥ // (31.1) Par.?
na deśe vyādhimarakopasṛṣṭe ca // (32.1) Par.?
sacailasnātam āhūya sūryodaya upoṣitam / (33.1) Par.?
kārayet sarvadivyāni devabrāhmaṇasaṃnidhau // (33.2) Par.?
Duration=0.056892871856689 secs.