Texts

Help

Select a text:
Bibliography

Select a chapter:
(no revisions)

Associated topic(s): Dharmaśāstra, Family, Inheritance, heritage, heirs

Show parallels Show headlines
Use dependency labeler

Chapter id: 5359

Click on a sentence to show its analysis
Keep the mouse pointer over a lemma to show its meanings.

atha dvādaśa putrā bhavanti // (1.1) Par.?

svakṣetre saṃskṛtāyām utpāditaḥ svayam aurasaḥ prathamaḥ // (2.1) Par.?

niyuktāyāṃ sapiṇḍenottamavarṇena votpāditaḥ kṣetrajo dvitīyaḥ // (3.1) Par.?

putrikāputras tṛtīyaḥ // (4.1) Par.?

yas tv asyāḥ putraḥ sa me putro bhaved iti yā pitrā dattā sā putrikā // (5.1) Par.?

putrikāvidhiṃ vināpi pratipāditā bhrātṛvihīnā putrikaiva // (6.1) Par.?

paunarbhavaścaturthaḥ // (7.1) Par.?

akṣatā bhūyaḥ saṃskṛtā punarbhūḥ // (8.1) Par.?

bhūyas tvasaṃskṛtāpi parapūrvā // (9.1) Par.?

kānīnaḥ pañcamaḥ // (10.1) Par.?

pitṛgṛhe asaṃskṛtayaivotpāditaḥ // (11.1) Par.?

sa ca pāṇigrāhasya // (12.1) Par.?

gṛhe ca gūḍhotpannaḥ ṣaṣṭhaḥ // (13.1) Par.?

yasya talpajastasyāsau // (14.1) Par.?

sahoḍhaḥ saptamaḥ // (15.1) Par.?

yā garbhiṇī saṃskriyate tasyāḥ putraḥ // (16.1) Par.?

sa ca pāṇigrāhasya // (17.1) Par.?

dattakaścāṣṭamaḥ // (18.1) Par.?

sa ca mātāpitṛbhyāṃ yasya dattaḥ // (19.1) Par.?

krītaśca navamaḥ // (20.1) Par.?

sa ca yena krītaḥ // (21.1) Par.?

svayamupagato daśamaḥ // (22.1) Par.?

sa ca yasyopagataḥ // (23.1) Par.?

apaviddhas tvekādaśaḥ // (24.1) Par.?

pitrā mātrā ca parityaktaḥ // (25.1) Par.?

sa ca yena gṛhītaḥ // (26.1) Par.?

yatra kvacanotpāditaśca dvādaśaḥ // (27.1) Par.?

eteṣāṃ pūrvaḥ pūrvaḥ śreyān // (28.1) Par.?

sa eva dāyaharaḥ // (29.1) Par.?

sa cānyān bibhṛyāt // (30.1) Par.?

anūḍhānāṃ svavittānurūpeṇa saṃskāraṃ kuryāt // (31.1) Par.?

patitaklībācikitsyarogavikalās tvabhāgahāriṇaḥ // (32.1) Par.?

rikthagrāhibhis te bhartavyāḥ // (33.1) Par.?

teṣāṃ caurasāḥ putrā bhāgahāriṇaḥ // (34.1) Par.?

na tu patitasya // (35.1) Par.?

patanīye karmaṇi kṛte tvanantarotpannāḥ // (36.1) Par.?

pratilomāsu strīṣu cotpannāścābhāginaḥ // (37.1) Par.?

tatputrāḥ paitāmahe 'pyarthe // (38.1) Par.?

aṃśagrāhibhis te bharaṇīyāḥ // (39.1) Par.?

yaścārthaharaḥ sa piṇḍadāyī // (40.1) Par.?

ekoḍhānām apyekasyāḥ putraḥ sarvāsāṃ putra eva // (41.1) Par.?

bhrātṝṇām ekajātānāṃ ca // (42.1) Par.?

putraḥ pitṛvittālābhe 'pi piṇḍaṃ dadyāt // (43.1) Par.?

punnāmno narakād yasmāt pitaraṃ trāyate sutaḥ / (44.1) Par.?

tasmāt putra iti proktaḥ svayam eva svayaṃbhuvā // (44.2) Par.?

ṛṇam asmin saṃnayaty amṛtatvaṃ ca gacchati / (45.1) Par.?

pitā putrasya jātasya paśyeccejjīvato mukham // (45.2) Par.?

putreṇa lokān jayati pautreṇānantyam aśnute / (46.1) Par.?

atha putrasya pautreṇa bradhnasyāpnoti viṣṭapam // (46.2) Par.?

pautradauhitrayor loke viśeṣo nopapadyate / (47.1) Par.?

dauhitro 'pi hyaputraṃ taṃ saṃtārayati pautravat // (47.2) Par.?

Duration=0.075541973114014 secs.