Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra, eating, food, anna

Show parallels  Show headlines
Use dependency labeler
Chapter id: 5573
  • Click on a sentence to show its analysis
  • Keep the mouse pointer over a lemma to show its meanings.
candrārkoparāge nāśnīyāt // (1.1) Par.?
snātvā muktayor aśnīyāt // (2.1) Par.?
amuktayor astaṃ gatayoḥ snātvā dṛṣṭvā cāpare 'hni // (3.1) Par.?
na gobrāhmaṇoparāge 'śnīyāt // (4.1) Par.?
na rājño vyasane // (5.1) Par.?
pravasitāgnihotrī yadāgnihotraṃ kṛtaṃ manyate tadāśnīyāt // (6.1) Par.?
yadā kṛtaṃ manyeta vaiśvadevam api // (7.1) Par.?
parvaṇi ca yadā kṛtaṃ manyeta parva // (8.1) Par.?
nāśnīyāccājīrṇe // (9.1) Par.?
nārdharātre // (10.1) Par.?
na madhyāhne // (11.1) Par.?
na saṃdhyayoḥ // (12.1) Par.?
nārdravāsāḥ // (13.1) Par.?
naikavāsāḥ // (14.1) Par.?
na nagnaḥ // (15.1) Par.?
nodake // (16.1) Par.?
notkuṭakaḥ // (17.1) Par.?
na bhinnāsanagataḥ // (18.1) Par.?
na ca śayanagataḥ // (19.1) Par.?
na bhinnabhojane // (20.1) Par.?
notsaṅge // (21.1) Par.?
na bhuvi // (22.1) Par.?
na pāṇau // (23.1) Par.?
lavaṇaṃ ca yatra dadyāt tan nāśnīyāt // (24.1) Par.?
na bālakān nirbhartsayet // (25.1) Par.?
naiko mṛṣṭam // (26.1) Par.?
noddhṛtasneham // (27.1) Par.?
na divā dhānāḥ // (28.1) Par.?
na rātrau tilasaṃbandham // (29.1) Par.?
na dadhisaktūn // (30.1) Par.?
na kovidāravaṭapippalaśāṇaśākam // (31.1) Par.?
nādattvā // (32.1) Par.?
nāhutvā // (33.1) Par.?
nānārdrapādaḥ // (34.1) Par.?
nānārdrakaramukhaśca // (35.1) Par.?
nocchiṣṭaśca ghṛtam ādadyāt // (36.1) Par.?
na candrārkatārakā nirīkṣeta // (37.1) Par.?
na mūrdhānaṃ spṛśet // (38.1) Par.?
na brahma kīrtayet // (39.1) Par.?
prāṅmukho 'śnīyāt // (40.1) Par.?
dakṣiṇāmukho vā // (41.1) Par.?
abhipūjyānnam // (42.1) Par.?
sumanāḥ sragvyanuliptaśca // (43.1) Par.?
na niḥśeṣakṛt syāt // (44.1) Par.?
anyatra dadhimadhusarpiḥpayaḥsaktupalamodakebhyaḥ // (45.1) Par.?
nāśnīyād bhāryayā sārdhaṃ nākāśe na tathotthitaḥ / (46.1) Par.?
bahūnāṃ prekṣamāṇānāṃ naikasmin bahavas tathā // (46.2) Par.?
śūnyālaye vahnigṛhe devāgāre kathaṃcana / (47.1) Par.?
piben nāñjalinā toyaṃ nātisauhityam ācaret // (47.2) Par.?
na tṛtīyam athāśnīta na cāpathyaṃ kathaṃcana / (48.1) Par.?
nātiprage nātisāyaṃ na sāyaṃ prātar āśitaḥ // (48.2) Par.?
na bhāvaduṣṭam aśnīyān na bhāṇḍe bhāvadūṣite / (49.1) Par.?
śayānaḥ prauḍhapādaśca kṛtvā caivāvasakthikām // (49.2) Par.?
Duration=0.076619863510132 secs.