Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 1919
  • Click on a sentence to show its analysis
  • Keep the mouse pointer over a lemma to show its meanings.
atha sarvajñavākyena pratipannasya lakṣaṇam / (1.1) Par.?
kathyate granthipāśasya kiṃcid yuktyāpi leśataḥ // (1.2) Par.?
tad ekam aśivaṃ bījaṃ jagataś citraśaktimat / (2.1) Par.?
sahakāryadhikārāntasaṃrodhi vyāpyanaśvaram // (2.2) Par.?
kartānumīyate yena jagaddharmeṇa hetunā / (3.1) Par.?
tenopādānam apyasti na paṭas tantubhir vinā // (3.2) Par.?
tad acetanam eva syāt kāryasyācittvadarśanāt / (4.1) Par.?
prāptaḥ sarvaharo doṣaḥ kāraṇāniyamo 'nyathā // (4.2) Par.?
yadyanityam idaṃ kāryaṃ kasmād utpadyate punaḥ / (5.1) Par.?
avyāpi cet kutas tat syāt sarveṣāṃ sarvatomukham // (5.2) Par.?
yad anekam acit tat tu dṛṣṭam utpattidharmakam / (6.1) Par.?
na tad utpattimat tasmād ekam abhyupagamyatām // (6.2) Par.?
paṭastantugaṇāddṛṣṭaḥ sarvam ekam anekataḥ / (7.1) Par.?
tadapyanekam ekasmād eva bījāt prajāyate // (7.2) Par.?
yeṣāṃ ciddharmakāddhetor acid apyupajāyate / (8.1) Par.?
teṣāṃ dhūmena liṅgena jalaṃ kiṃ nānumīyate // (8.2) Par.?
bhūtāvadhi jagadyeṣāṃ kāraṇaṃ paramāṇavaḥ / (9.1) Par.?
teṣāṃ pūrvoditāddhetor jñātaiva jñānasūkṣmatā // (9.2) Par.?
śarīrādeḥ śarīrādi yadi tannikhilātyaye / (10.1) Par.?
kā vārttā nākhiladhvaṃso na sarvajño mṛṣā vadet // (10.2) Par.?
ekadeśe'pi yo dharmaḥ pratīto yasya dharmiṇaḥ / (11.1) Par.?
sa tasya sarvataḥ kena jāyamāno nivāryate // (11.2) Par.?
koṭiśo maraṇaṃ dṛṣṭvā saṃhatānāṃ śarīriṇām / (12.1) Par.?
so 'pi pratīyate kālo yatrāśeṣajanakṣayaḥ // (12.2) Par.?
tadādhārāṇi kāryāṇi śaktirūpāṇi saṃhṛtau / (13.1) Par.?
vivṛtau vyaktirūpāṇi vyāpriyante 'rthasiddhaye // (13.2) Par.?
tantvādikārakādānaṃ paṭāsattve paṭārthinaḥ / (14.1) Par.?
sattve kārakaśabdo'pi vyapaitīti hataṃ jagat // (14.2) Par.?
sāphalyam asadutpattāv astu kārakavastunaḥ / (15.1) Par.?
utpādayatu sarvasmāt sarvaḥ sarvam abhīpsitam // (15.2) Par.?
athāśakyaṃ yataḥ śakyam atra vaḥ kiṃ niyāmakam / (16.1) Par.?
naca paśyāmi tatkiṃcit śaktiś cet siddhasādhyatā // (16.2) Par.?
anyathā kārakavrātapravṛttyanupapattitaḥ / (17.1) Par.?
śrutir ādānam arthaś ca vyapaitītyapi taddhatam // (17.2) Par.?
athāstyutpādikā śaktir na kāryaṃ śaktirūpakam / (18.1) Par.?
tayor viśeṣaṇaṃ vācyaṃ naitat paśyāmi kiṃcana // (18.2) Par.?
tasmānniyāmikā janyaśaktiḥ kārakavastunaḥ / (19.1) Par.?
sānvayavyatirekābhyāṃ rūḍhito vāvasīyate // (19.2) Par.?
tadvyaktirjananaṃ nāma tatkārakasamāśrayāt / (20.1) Par.?
tena tantugatākāraṃ paṭākārāvarodhakam // (20.2) Par.?
vemādināpanīyātha paṭavyaktiḥ prakāśyate / (21.1) Par.?
yathā kaṭādigūḍhasya paṭādestadvyudāsataḥ / (21.2) Par.?
nāsataḥ kriyate vyaktiḥ kalāder granthitas tathā // (21.3) Par.?
Duration=0.071850061416626 secs.