Texts

dvividhā tṛtīyāprakṛtiḥ strīrūpiṇī puruṣarūpiṇī ca // (1.1) Par.?

tatra strīrūpiṇī striyā veṣamālāpaṃ līlāṃ bhāvaṃ mṛdutvaṃ bhīrutvaṃ mugdhatām asahiṣṇutāṃ vrīḍāṃ cānukurvīta // (2.1) Par.?

tasyā vadane jaghanakarma / (3.1) Par.?

tadaupariṣṭakam ācakṣate // (3.2) Par.?

sā tato ratim ābhimānikīṃ vṛttiṃ ca lipset / (4.1) Par.?

veśyāvaccaritaṃ prakāśayet / (4.2) Par.?

iti strīrūpiṇī // (4.3) Par.?

puruṣarūpiṇī tu pracchannakāmā puruṣaṃ lipsamānā saṃvāhakabhāvam upajīvet / (5.1) Par.?

saṃvāhane pariṣvajamāneva gātrair ūrū nāyakasya mṛdnīyāt / (5.2) Par.?

prasṛtaparicayā corumūlaṃ sajaghanam iti saṃspṛśet / (5.3) Par.?

tatra sthiraliṅgatām upalabhya cāsya pāṇimanthena parighaṭṭayet / (5.4) Par.?

cāpalam asya kutsayantīva haset / (5.5) Par.?

kṛtalakṣaṇenāpyupalabdhavaikṛtenāpi na codyata iti cet svayam upakramet / (5.6) Par.?

puruṣeṇa ca codyamānā vivadet / (5.7) Par.?

kṛcchreṇa cābhyupagacchet // (5.8) Par.?

tatra karmāṣṭavidhaṃ samuccayaprayojyam / (6.1) Par.?

nimitaṃ pārśvatodaṣṭaṃ bahiḥsaṃdaṃśo 'ntaḥsaṃdaṃśaś cumbitakaṃ parimṛṣṭakam āmracūṣitakaṃ saṃgara iti // (6.2) Par.?

teṣv ekaikam abhyupagamya virāmābhīpsāṃ darśayet // (7.1) Par.?

itaraśca pūrvasminn abhyupagate taduttaram evāparaṃ nirdiśet / (8.1) Par.?

tasminn api siddhe taduttaram iti // (8.2) Par.?

karāvalambitam oṣṭhayor upari vinyastam apavidhya mukhaṃ vidhunuyāt / (9.1) Par.?

tan nimitam // (9.2) Par.?

hasteṇāgram avacchādya pārśvato nirdaśanam oṣṭhābhyām avapīḍya bhavatv etāvad iti sāntvayet / (10.1) Par.?

tat pārśvatodaṣṭam // (10.2) Par.?

bhūyaścoditā saṃmīlitauṣṭhī tasyāgraṃ niṣpīḍya karṣayantīva cumbet / (11.1) Par.?

iti bahiḥsaṃdaṃśaḥ // (11.2) Par.?

tasminn evābhyarthanayā kiṃcid adhikaṃ praveśayet / (12.1) Par.?

ity antaḥsaṃdaṃśaḥ // (12.2) Par.?

karāvalambitasyauṣṭhavad grahaṇaṃ cumbitakam // (13.1) Par.?

tat kṛtvā jihvāgreṇa sarvato ghaṭṭanam agre ca vyadhanam iti parimṛṣṭakam // (14.1) Par.?

tathābhūtam eva rāgavaśād ardhapraviṣṭaṃ nirdayam avapīḍyāvapīḍya muñcet / (15.1) Par.?

iti āmracūṣitakam // (15.2) Par.?

puruṣābhiprāyād eva giret pīḍayecca ā parisamāpteḥ / (16.1) Par.?

iti saṃgaraḥ // (16.2) Par.?

yathārthaṃ cātra stananaprahaṇanayoḥ prayogaḥ / (17.1) Par.?

ityaupariṣṭakam // (17.2) Par.?

kulaṭāḥ svairiṇyaḥ paricārikāḥ saṃvāhikāścāpyetat prayojayanti // (18.1) Par.?

tad etat tu na kāryam / (19.1) Par.?

punar api hyāsāṃ vadanasaṃsarge svayam evārtiṃ prapadyeta / (19.2) Par.?

ityācāryāḥ // (19.3) Par.?

veśyākāmino 'yam adoṣaḥ / (20.1) Par.?

iti vātsyāyanaḥ // (20.2) Par.?

tasmād yāstvaupariṣṭakam ācaranti na tābhiḥ saha saṃsṛjyante prācyāḥ // (21.1) Par.?

veśyābhir eva na saṃsṛjyante āhicchatrikāḥ saṃsṛṣṭā api mukhakarma tāsāṃ pariharanti // (22.1) Par.?

nirapekṣāḥ sāketāḥ saṃsṛjyante // (23.1) Par.?

na tu svayam aupariṣṭakam ācaranti nāgarakāḥ // (24.1) Par.?

sarvam aviśaṅkayā prayojayanti saurasenāḥ // (25.1) Par.?

evaṃ hyāhuḥ / (26.1) Par.?

ko hi yoṣitāṃ śīlaṃ śaucam ācāraṃ caritraṃ pratyayaṃ vacanaṃ vā śraddhātum arhati / (26.2) Par.?

nisargād eva hi malinadṛṣṭayo bhavantyetā na parityājyāḥ / (26.3) Par.?

evaṃ hyāhuḥ / (26.4) Par.?

vatsaḥ prasravaṇe medhyaḥ śvā mṛgagrahaṇe śuciḥ / (26.5) Par.?

śakuniḥ phalapāte tu strīmukhaṃ ratisaṃgame // (26.6) Par.?

śiṣṭavipratipatteḥ smṛtivākyasya ca sāvakāśatvād deśasthiter ātmanaśca vṛttipratyayānurūpaṃ pravarteta / (27.1) Par.?

iti vātsyāyanaḥ // (27.2) Par.?

bhavanti cātra ślokāḥ / (28.1) Par.?

pramṛṣṭakuṇḍalāścāpi yuvānaḥ paricārakāḥ / (28.2) Par.?

keṣāṃcid eva kurvanti narāṇām aupariṣṭakam // (28.3) Par.?

tathā nāgarakāḥ kecid anyonyasya hitaiṣiṇaḥ / (29.1) Par.?

kurvanti rūḍhaviśvāsāḥ parasparaparigraham // (29.2) Par.?

puruṣāśca tathā strīṣu karmaitat kila kurvate / (30.1) Par.?

vyāsastasya ca vijñeyo mukhacumbanavad vidhiḥ // (30.2) Par.?

parivartitadehau tu strīpuṃsau yat parasparam / (31.1) Par.?

yugapat samprayujyete sa kāmaḥ kākilaḥ smṛtaḥ // (31.2) Par.?

tasmād guṇavatastyaktvā caturāṃstyāgino narān / (32.1) Par.?

veśyāḥ khaleṣu rajyante dāsahastipakādiṣu // (32.2) Par.?

na tv etad brāhmaṇo vidvān mantrī vā rājadhūrdharaḥ // (33.1) Par.?

gṛhītapratyayo vāpi kārayed aupariṣṭakam // (34.1) Par.?

na śāstram astītyetāvat prayoge kāraṇaṃ bhavet / (35.1) Par.?

śāstrārthān vyāpino vidyāt prayogāṃstv ekadeśikān // (35.2) Par.?

rasavīryavipākā hi śvamāṃsasyāpi vaidyake / (36.1) Par.?

kīrtitā iti tat kiṃ syād bhakṣaṇīyaṃ vicakṣaṇaiḥ // (36.2) Par.?

santyeva puruṣāḥ kecit santi deśāstathāvidhāḥ / (37.1) Par.?

santi kālāśca yeṣv ete yogā na syur nirarthakāḥ // (37.2) Par.?

tasmād deśaṃ ca kālaṃ ca prayogaṃ śāstram eva ca / (38.1) Par.?

ātmānaṃ cāpi samprekṣya yogān yuñjīta vā na vā // (38.2) Par.?

arthasyāsya rahasyatvāccalatvān manasastathā / (39.1) Par.?

kaḥ kadā kiṃ kutaḥ kuryād iti ko jñātum arhati // (39.2) Par.?