Texts

te bharadvājādayaḥ indraṃ tāpasarūpatvān muniśabdenāmantrya nanv iti prativacanam avocan // (1) Par.?

yo 'yam asmābhir abhihito rudrākhyadevatāprasādanopāyalakṣaṇo dharmaḥ tapasā samīhitasiddhyartham āsevyate sa codanayaivābhihito vyavasthāpitaḥ // (2) Par.?

tathā hi codanā nāma liḍloṭtavyadādiśabdavyavasthāpitavidhiniṣedharūpayajanādikriyāpravartakavacanam abhidhīyate // (3) Par.?

yathā jyotiṣṭomena yajeta svargakāmaḥ na kalañjaṃ bhakṣayet ityādi // (4) Par.?

tac ca mukhyatayā śrautaṃ dharmarūpaṃ tanmūlatvāc ca smārtam api // (5) Par.?

tathā coktaṃ tasmāc chrutismṛtī eva pramāṇaṃ dharmagocare // (6) Par.?

iti tathā // (7) Par.?

vedo 'khilo dharmamūlaṃ smṛtiśīle ca tadvidām / (8.1) Par.?

iti // (8.2) Par.?

tadāsatāṃ tāvad evaṃvidhāḥ śrutyādisadāgamārthāvirodhinyaḥ paurāṇikyaḥ saṃhitāḥ anyāś ca kāścana śrutayo yāsām idaṃ tātparyam // (9) Par.?

yathā mahābhāratādau / (10.1) Par.?

ye bhaktā varadaṃ devaṃ śivaṃ rudram umāpatim / (10.2) Par.?

ihaloke sukhaṃ prāpya te yānti paramāṃ gatim // (10.3) Par.?

iti // (11) Par.?

sarvarūpaṃ bhavaṃ jñātvā liṅge yo 'rcayati prabhum / (12.1) Par.?

tasminn abhyadhikāṃ prītiṃ karoti vṛṣabhadhvajaḥ // (12.2) Par.?

iti // (13) Par.?

tathā / (14.1) Par.?

ādityā vasavo rudrā munayaś ca mahaujasaḥ / (14.2) Par.?

vidhival liṅgam ārādhya padam iṣṭatamaṃ gatāḥ // (14.3) Par.?

iti // (15) Par.?

tathā / (16.1) Par.?

mṛdbhasmagośakṛtpiṣṭaguḍakhaṇḍādiliṅgakam / (16.2) Par.?

sampūjayan pratiṣṭhāpya śraddhāvān adhigacchati // (16.3) Par.?

iti // (17) Par.?

tatrāprāmāṇyam abhyupagamyāpi brūmaḥ yad abhiprāyeṇedam abhidhīyate bhavadbhiḥ sa tāvat śrutyartha eva smaryatāṃ tatra hi // (18) Par.?