Texts

bhāryaikacāriṇī gūḍhaviśrambhā devavat patim ānukūlyena varteta // (1.1) Par.?

tanmatena kuṭumbacintām ātmani saṃniveśayet // (2.1) Par.?

veśma ca śuci susaṃmṛṣṭasthānaṃ viracitavividhakusumaṃ ślakṣṇabhūmitalaṃ hṛdyadarśanaṃ triṣavaṇācaritabalikarma pūjitadevāyatanaṃ kuryāt // (3.1) Par.?

na hyato 'nyad gṛhasthānāṃ cittagrāhakam astīti gonardīyaḥ // (4.1) Par.?

guruṣu bhṛtyavargeṣu nāyakabhaginīṣu tatpatiṣu ca yathārhaṃ pratipattiḥ // (5.1) Par.?

paripūteṣu ca haritaśākavaprān ikṣustambāñ jīrakasarṣapājamodaśatapuṣpātamālagulmāṃśca kārayet // (6.1) Par.?

kubjakāmalakamallikājātīkuraṇṭakanavamālikātagaranandyāvartajapāgulmān anyāṃśca bahupuṣpān bālakośīrakapātālikāṃśca vṛkṣavāṭikāyāṃ ca sthaṇḍilāni manojñāni kārayet // (7.1) Par.?

madhye kūpaṃ vāpīṃ dīrghikāṃ vā khānayet // (8.1) Par.?

bhikṣukīśramaṇākṣapaṇākulaṭākuhakekṣaṇikāmūlakārikābhir na saṃsṛjyeta // (9.1) Par.?

bhojane ca rucitam idam asmai dveṣyam idaṃ pathyam idam apathyam idam iti ca vindyāt // (10.1) Par.?

svaraṃ bahir upaśrutya bhavanam āgacchataḥ kiṃ kṛtyam iti bruvatī sajjā bhavanamadhye tiṣṭhet // (11.1) Par.?

paricārikām apanudya svayaṃ pādau prakṣālayet // (12.1) Par.?

nāyakasya ca na vimuktabhūṣaṇaṃ vijane saṃdarśane tiṣṭhet // (13.1) Par.?

ativyayam asadvyayaṃ vā kurvāṇaṃ rahasi bodhayet // (14.1) Par.?

āvāhe vivāhe yajñe gamanaṃ sakhībhiḥ saha goṣṭhīṃ devatābhigamanam ityanujñātā kuryāt // (15.1) Par.?

sarvakrīḍāsu ca tadānulomyena pravṛttiḥ // (16.1) Par.?

paścāt saṃveśanaṃ pūrvam utthānam anavabodhanaṃ ca suptasya // (17.1) Par.?

mahānasaṃ ca suguptaṃ syād darśanīyaṃ ca // (18.1) Par.?

nāyakāpacāreṣu kiṃcit kaluṣitā nātyarthaṃ nirvadet // (19.1) Par.?

sādhikṣepavacanaṃ tv enaṃ mitrajanamadhyastham ekākinaṃ vāpyupālabheta / (20.1) Par.?

na ca mūlakārikā syāt // (20.2) Par.?

na hyato 'nyad apratyayakāraṇam astīti gonardīyaḥ // (21.1) Par.?

durvyāhṛtaṃ durnirīkṣitam anyato mantraṇaṃ dvāradeśāvasthānaṃ nirīkṣaṇaṃ vā niṣkuṭeṣu mantraṇaṃ vivikteṣu ciram avasthānam iti varjayet // (22.1) Par.?

svedadantapaṅkadurgandhāṃśca budhyeteti virāgakāraṇam // (23.1) Par.?

bahubhūṣaṇaṃ vividhakusumānulepanaṃ vividhāṅgarāgasamujjvalaṃ vāsa ityābhigāmiko veṣaḥ / (24.1) Par.?

pratanuślakṣṇālpadukūlatā parimitam ābharaṇaṃ sugandhitā nātyulbaṇam anulepanam / (24.2) Par.?

tathā śuklānyanyāni puṣpāṇīti vaihāriko veṣaḥ // (24.3) Par.?

nāyakasya vratam upavāsaṃ ca svayam api karaṇenānuvarteta / (25.1) Par.?

vāritāyāṃ ca nāham atra nirbandhanīyeti tadvacaso nivartanam // (25.2) Par.?

mṛdvidalakāṣṭhacarmalohabhāṇḍānāṃ ca kāle samarghagrahaṇam // (26.1) Par.?

tathā lavaṇasnehayośca gandhadravyakaṭukabhāṇḍauṣadhānāṃ ca durlabhānāṃ bhavaneṣu pracchannaṃ nidhānam // (27.1) Par.?

mūlakālukapālaṅkīdamanakāmrātakairvārukatrapusavārtākakūṣmāṇḍālābusūraṇaśukanāsāsvayaṃguptātilaparṇikāgnimanthalaśunapalāṇḍuprabhṛtīnāṃ sarvauṣadhīnāṃ ca bījagrahaṇaṃ kāle vāpaśca // (28.1) Par.?

svasya ca sārasya parebhyo nākhyānaṃ bhartṛmantritasya ca // (29.1) Par.?

samānāśca striyaḥ kauśalenojjvalatayā pākena mānena tathopacārair atiśayīta // (30.1) Par.?

sāṃvatsarikamāyaṃ saṃkhyāya tadanurūpaṃ vyayaṃ kuryāt // (31.1) Par.?

bhojanāvaśiṣṭād gorasād ghṛtakaraṇam tathā tailaguḍayoḥ / (32.1) Par.?

karpāsasya ca sūtrakartanam sūtrasya vānam / (32.2) Par.?

śikyarajjupāśavalkalasaṃgrahaṇam / (32.3) Par.?

kuṭṭanakaṇḍanāvekṣaṇam / (32.4) Par.?

ācāmamaṇḍatuṣakaṇakuṭyaṅgārāṇām upayojanam / (32.5) Par.?

bhṛtyavetanabharaṇajñānam / (32.6) Par.?

kṛṣipaśupālanacintāvāhanavidhānayogāḥ / (32.7) Par.?

meṣakukkuṭalāvakaśukaśārikāparabhṛtamayūravānaramṛgāṇām avekṣaṇam / (32.8) Par.?

daivasikāyavyayapiṇḍīkaraṇam iti ca vidyāt // (32.9) Par.?

tajjaghanyānāṃ ca jīrṇavāsasāṃ saṃcayastair vividharāgaiḥ śuddhair vā kṛtakarmaṇāṃ paricārakāṇām anugraho mānārtheṣu ca dānam anyatra vopayogaḥ // (33.1) Par.?

surākumbhīnām āsavakumbhīnāṃ ca sthāpanaṃ tadupayogaḥ krayavikrayāv āyavyayāvekṣaṇam // (34.1) Par.?

nāyakamitrāṇāṃ ca sraganulepanatāmbūladānaiḥ pūjanaṃ nyāyataḥ / (35.1) Par.?

śvaśrūśvaśuraparicaryā tatpāratantryam anuttaravāditā parimitāpracaṇḍālāpakaraṇam anuccair hāsaḥ / (35.2) Par.?

bhogeṣv anutsekaḥ / (35.3) Par.?

parijane dākṣiṇyam / (35.4) Par.?

nāyakasyānivedya na kasmaicid dānam / (35.5) Par.?

svakarmasu bhṛtyajananiyamanam utsaveṣu cāsya pūjanam ityekacāriṇīvṛttam // (35.6) Par.?

pravāse maṅgalamātrābharaṇā devatopavāsaparā vārtāyāṃ sthitā gṛhān avekṣeta // (36.1) Par.?

śayyā ca gurujanamūle / (37.1) Par.?

tadabhimatā kāryaniṣpattiḥ / (37.2) Par.?

nāyakābhimatānāṃ cārthānām arjane pratisaṃskāre ca yatnaḥ // (37.3) Par.?

nityanaimittikeṣu karmasūcito vyayaḥ / (38.1) Par.?

tadārabdhānāṃ ca karmaṇāṃ samāpane matiḥ // (38.2) Par.?

jñātikulasyānabhigamanam anyatra vyasanotsavābhyām / (39.1) Par.?

tatrāpi nāyakaparijanādhiṣṭhitāyā nātikālam avasthānam aparivartitapravāsaveṣatā ca // (39.2) Par.?

gurujanānujñātānāṃ karaṇam upavāsānām / (40.1) Par.?

paricārakaiḥ śucibhir ājñādhiṣṭhitair anumatena krayavikrayakarmaṇā sārasyāpūraṇaṃ tanūkaraṇaṃ ca śaktyā vyayānām // (40.2) Par.?

āgate ca prakṛtisthāyā eva prathamato darśanaṃ daivatapūjanam upahārāṇāṃ cāharaṇam iti pravāsacaryā // (41.1) Par.?

sadvṛttam anuvarteta nāyakasya hitaiṣiṇī / (42.1) Par.?

kulayoṣā punarbhūr vā veśyā vāpyekacāriṇī // (42.2) Par.?

dharmam arthaṃ tathā kāmaṃ labhante sthānam eva ca / (43.1) Par.?

niḥsapatnaṃ ca bhartāraṃ nāryaḥ sadvṛttam āśritāḥ // (43.2) Par.?