UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5731
- Click on a sentence to show its analysis
- Keep the mouse pointer over a lemma to show its meanings.
śrīkūrma uvāca / (1.1)
Par.?
evaṃ bhūtāni sṛṣṭāni sthāvarāṇi carāṇi ca / (1.2)
Par.?
yadā cāsya prajāḥ sṛṣṭā na vyavardhanta dhīmataḥ // (1.3)
Par.?
tamomātrāvṛto brahmā tadāśocata duḥkhitaḥ / (2.1)
Par.?
tataḥ sa vidadhe buddhimarthaniścayagāminīm // (2.2)
Par.?
athātmani samadrākṣīt tamomātrāṃ niyāmikām / (3.1)
Par.?
rajaḥsattvaṃ ca saṃvṛtya vartamānāṃ svadharmataḥ // (3.2)
Par.?
tamastad vyanudat paścāt rajaḥsattvena saṃyutaḥ / (4.1)
Par.?
tat tamaḥ pratinunnaṃ vai mithunaṃ samajāyata // (4.2)
Par.?
adharmācaraṇo viprā hiṃsā cāśubhalakṣaṇā / (5.1)
Par.?
svāṃ tanuṃ sa tato brahmā tāmapohata bhāsvarām // (5.2)
Par.?
creation of Virāj
dvidhākarot punardehamardhena puruṣo 'bhavat / (6.1)
Par.?
ardhena nārī puruṣo virājamasṛjat prabhuḥ // (6.2)
Par.?
nārīṃ ca śatarūpākhyāṃ yoginīṃ sasṛje śubhām / (7.1)
Par.?
sā divaṃ pṛthivīṃ caiva mahimnā vyāpya saṃsthitā // (7.2)
Par.?
yogaiśvaryabalopetā jñānavijñānasaṃyutā / (8.1)
Par.?
yo 'bhavat puruṣāt putro virāḍavyaktajanmanaḥ // (8.2)
Par.?
svāyaṃbhuvo manurdevaḥ so 'bhavat puruṣo muniḥ / (9.1)
Par.?
sā devī śatarūpākhyā tapaḥ kṛtvā suduścaram // (9.2)
Par.?
bhartāraṃ brahmaṇaḥ putraṃ manumevānupadyata / (10.1)
Par.?
tasmācca śatarūpā sā putradvayamasūyata // (10.2)
Par.?
priyavratottānapādau kanyādvayamanuttamam / (11.1)
Par.?
tayoḥ prasūtiṃ dakṣāya manuḥ kanyāṃ dadau punaḥ // (11.2)
Par.?
prajāpatirathākūtiṃ mānaso jagṛhe ruciḥ / (12.1)
Par.?
ākūtyāṃ mithunaṃ jajñe mānasasya ruceḥ śubham / (12.2)
Par.?
yajñaśca dakṣiṇā caiva yābhyāṃ saṃvardhitaṃ jagat // (12.3)
Par.?
yajñasya dakṣiṇāyāṃ tu putrā dvādaśa jajñire / (13.1)
Par.?
yāmā iti samākhyātā devāḥ svāyaṃbhuve 'ntare // (13.2)
Par.?
prasūtyāṃ ca tathā dakṣaścatasro viṃśatiṃ tathā / (14.1)
Par.?
sasarja kanyā nāmāni tāsāṃ samyaṅnibodhata // (14.2)
Par.?
śraddhā lakṣmīrdhṛtistuṣṭiḥ puṣṭirmedhā kriyā tathā / (15.1)
Par.?
buddhir lajjā vapuḥ śāntiḥ siddhiḥ kīrtistrayodaśī // (15.2)
Par.?
patnyarthaṃ pratijagrāha dharmo dākṣāyaṇīḥ śubhāḥ / (16.1)
Par.?
tābhyaḥ śiṣṭā yavīyasya ekādaśa sulocanāḥ // (16.2)
Par.?
khyātiḥ satyatha saṃbhūtiḥ smṛtiḥ prītiḥ kṣamā tathā / (17.1)
Par.?
saṃtatiścānasūyā ca ūrjā svāhā svadhā tathā // (17.2)
Par.?
bhṛgurbhavo marīciśca tathā caivāṅgirā muniḥ / (18.1)
Par.?
pulastyaḥ pulahaścaiva kratuḥ paramadharmavit // (18.2)
Par.?
atrirvasiṣṭho vahniśca pitaraśca yathākramam / (19.1)
Par.?
khyātyādyā jagṛhuḥ kanyā munayo munisattamāḥ // (19.2)
Par.?
śraddhāyā ātmajaḥ kāmo darpo lakṣmīsutaḥ smṛtaḥ / (20.1)
Par.?
dhṛtyāstu niyamaḥ putrastuṣṭyāḥ saṃtoṣa ucyate // (20.2)
Par.?
puṣṭyā lābhaḥ sutaścāpi medhāputraḥ śrutastathā / (21.1)
Par.?
kriyāyāścābhavat putro daṇḍaḥ samaya eva ca // (21.2)
Par.?
buddhyā bodhaḥ sutastadvadapramādo vyajāyata / (22.1)
Par.?
lajjāyā vinayaḥ putro vapuṣo vyavasāyakaḥ // (22.2)
Par.?
kṣemaḥ śāntisutaścāpi sukhaṃ siddhirajāyata / (23.1)
Par.?
yaśaḥ kīrtisutastadvadityete dharmasūnavaḥ // (23.2) Par.?
kāmasya harṣaḥ putro 'bhūd devānando vyajāyata / (24.1)
Par.?
ityeṣa vai sukhodarkaḥ sargo dharmasya kīrtitaḥ // (24.2)
Par.?
jajñe hiṃsā tvadharmād vai nikṛtiṃ cānṛtaṃ sutam / (25.1)
Par.?
nikṛtyanṛtayorjajñe bhayaṃ naraka eva ca // (25.2)
Par.?
māyā ca vedanā caiva mithunaṃ tvidametayoḥ / (26.1)
Par.?
bhayājjajñe 'tha vai māyā mṛtyuṃ bhūtāpahāriṇam // (26.2)
Par.?
vedanā ca sutaṃ cāpi duḥkhaṃ jajñe 'tha rauravāt / (27.1)
Par.?
mṛtyorvyādhijarāśokatṛṣṇākrodhāśca jajñire // (27.2)
Par.?
duḥkhottarāḥ smṛtā hyete sarve cādharmalakṣaṇāḥ / (28.1)
Par.?
naiṣāṃ bhāryāsti putro vā sarve te hyūrdhvaretasaḥ // (28.2)
Par.?
ityeṣa tāmasaḥ sargo jajñe dharmaniyāmakaḥ / (29.1)
Par.?
saṃkṣepeṇa mayā proktā visṛṣṭirmunipuṅgavāḥ // (29.2)
Par.?
iti śrīkūrmapurāṇe ṣaṭsāhasryāṃ saṃhitāyāṃ pūrvavibhāge 'ṣṭamo 'dhyāyaḥ // (30.1)
Par.?
Duration=0.14651799201965 secs.