Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 148

Click on a sentence to show its analysis
Keep the mouse pointer over a lemma to show its meanings.

praṇetāro hiraṇyagarbhādyāḥ kaṇādapatañjalikapilaprabhṛtayaś ca te cāsarvajñāḥ aparatvenābhimatāḥ svaprameyād ūrdhvavartino yuktyāgamopapannasya prameyajātasya tair anavagamāt // (1.1) Par.?

tad uktaṃ svabhāvapuruṣāvyaktakarmakālātmavādibhiḥ // (2.1) Par.?

parameśam adṛṣṭvaiva muktir mithyaiva kalpitā iti // (3.1) Par.?

tathā sugato yadi sarvaśaḥ kapilo neti kā pramā // (4.1) Par.?

athobhāv api sarvajñau mitibhedas tayoḥ katham iti // (5.1) Par.?

tair yataḥ praṇītāni śāstrāṇi ata evaiteṣu vastusaṃgraho 'py asphuṭaḥ puṃspratibaddhāpavargajñānam aspaṣṭam ity arthaḥ // (6.1) Par.?

ye cātropāyāḥ puṃsprakṛtivivekajñānabrahmādvaitābhyāsaṣoḍaśapadārthajñānādayaḥ phalāni ca svargāpavargalakṣaṇāni tat sarvaṃ tadvad aspaṣṭam eva tathātathāvakṣyamāṇanirvāhāsahatvāt // (7.1) Par.?

tasmāt tebhyo 'syāyaṃ viśeṣaḥ yad iha sarvaṃ prakṛṣṭaṃ yataḥ paśupāśātītaniratiśayasarvārthajñānakriyātmanā parameśvareṇedam ādiṣṭam iti praṇetṛgataṃ paratvam upāyānām api dīkṣādīnāṃ paridṛṣṭasaṃvāditatvāt paratvam // (8.1) Par.?

tathāhi saddīkṣādinā brahmahatyādimahāpātakayogino 'py apetapātakatvaṃ dṛṣṭam ity ato viṣasya māraṇātmakaśaktyapaharaṇavat pāśānāṃ bandhakatvavyapagamaḥ siddhaḥ // (9.1) Par.?

tad śuddhiṃ vrajati uktaṃ / (10.1) Par.?

tulāyāṃ dīkṣāto brahmahetyato mukhyāt // (10.1) Par.?

pratyayato jānīyād bandhanavigamaṃ viṣakṣayavat iti // (11.1) Par.?

phalaṃ cehānyasarvadarśanadṛṣṭād bhogāpavargalakṣaṇāt phalāt prakṛṣṭam // (12.1) Par.?

uktaṃ hi śrīmanmataṃgake agnihotrādibhiḥ pūtās tathā cāndrāyaṇādibhiḥ // (13.1) Par.?

lokatraye 'pi modante vimānasthā yaśasvinaḥ // (14.1) Par.?

athāpnuyuḥ padaṃ śākram iṣṭvā kratuśataṃ vidheḥ // (15.1) Par.?

yā gatiḥ śivabhaktānāṃ śāṭhyenāpi mahātmanām // (16.1) Par.?

na sā yajñasahasreṇa prāpyate munipuṃgaveti // (17.1) Par.?

apavargo 'py asmin darśane sarvāṇy āgamāgocaratvāt paraḥ tattadāgamapraṇetṝṇāṃ sāñjanatvenāsarvajñatvāt tadupadiṣṭāyā mukter muktyābhāsatvāt // (18.1) Par.?

uktaṃ ca śrīmadbhārgavottare / (19.1) Par.?

anyatantreṣu ye muktā dharmādharmakṣayān narāḥ // (19.2) Par.?

te 'tra rudrāṇavaḥ proktā guṇatrayavivarjitāḥ iti // (20) Par.?

atha kiṃ tadanyadarśanānām asphuṭatvam ity āha // (21) Par.?

Duration=0.036318063735962 secs.