Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 151
  • Click on a sentence to show its analysis
  • Keep the mouse pointer over a lemma to show its meanings.
ātmaivedaṃ jagat sarvaṃ neha nānāsti kiṃcana // (1) Par.?
tathaiko vaśī sarvabhūtāntarātmā ekaṃ viśvaṃ bahudhā yaḥ karoti // (2) Par.?
ityādi śrutibhiḥ paramātmaiva sakalacidacidbhāvāvirbhāvatirobhāvaprakṛtisūtaḥ paripūrṇaṣāḍguṇyavaibhavasvatantraḥ eko 'pi san saṃsṛṣṭyarthaṃ tattadvividhamanolakṣaṇopādhibhedena svabhāvāntarānuvidhāyī yathāvad avagato 'bhyudayāya bhavatīti vedāntavidaḥ pratipannāḥ // (3) Par.?
sa eva hi sattvātmani śānta upādhau śānta iva rajobahule tu bhagavān ivājñānātmake ca tamasi mugdha ivāste na tu tato 'nyat pṛthak kiṃcid avatiṣṭhate tasyaiva tathā tathā vaicitryeṇāvasthiteḥ satyatvāt dvaitapratibhāsasya dvicandrādijñānavat bhrāntatvāt // (4) Par.?
tathā cāha tatrabhavān bhartṛhariḥ // (5) Par.?
yathā viśuddham ākāśaṃ timiropapluto janaḥ / (6.1) Par.?
saṃkīrṇam iva mātrābhiś citrābhir abhimanyate // (6.2) Par.?
tathedam amṛtaṃ brahma nirvikāram avidyayā / (7.1) Par.?
kaluṣatvam ivāpannaṃ bhedarūpe pravartate iti // (7.2) Par.?
evaṃ cābhinnam evedaṃ paraṃ brahma paramātmalakṣaṇam // (8) Par.?
manasāṃ hi saṃsāradharmaiḥ sukhaduḥkhādibhir yogaḥ paramātmā tu sūrya ivāmbhaḥpratibimbabhedair upādhibhir abhinno 'pi bhinna iva pratibhāti // (9) Par.?
tathā ca śrutiḥ / (10.1) Par.?
yathā hy ayaṃ jyotirātmā vivasvān apo bhinnā bahudhaiko 'nugacchan / (10.2) Par.?
upādhinā kriyate bhedarūpo devaḥ kṣetreṣv evam ajñas tathātmeti // (10.3) Par.?
Duration=0.036316871643066 secs.