Texts

Help

Select a text:
Bibliography
Select a chapter:
 (no revisions)
Associated topic(s): Brideship and marriage, Marriage, pariṇayana

Show parallels  Show headlines
Use dependency labeler
Chapter id: 7393
  • Click on a sentence to show its analysis
  • Keep the mouse pointer over a lemma to show its meanings.
samrājñī śvaśure bhaveti pitā bhrātā vāsyagreṇa mūrdhani juhoti sruveṇa vā tiṣṭhann āsīnāyāḥ prāṅmukhyāḥ pratyaṅmukhaḥ // (1.0) Par.?
gṛbhṇāmi te saubhagatvāya hastam iti dakṣiṇena pāṇinā dakṣiṇaṃ pāṇiṃ gṛhṇāti sāṅguṣṭham uttānenottānaṃ tiṣṭhann āsīnāyāḥ prāṅmukhyāḥ pratyaṅmukhaḥ // (2.0) Par.?
pañca cottarā japitvā // (3.0) Par.?
amo 'ham asmi sā tvaṃ sā tvam asy amo 'haṃ dyaur ahaṃ pṛthivī tvam ṛk tvam asi sāmāhaṃ sā mām anuvratā bhava tāv eha vivahāvahai prajāṃ prajanayāvahai putrān vindāvahai bahūṃs te santu jaradaṣṭaya iti // (4.0) Par.?
udakumbhaṃ navaṃ bhūr bhuvaḥ svar iti pūrayitvā // (5.0) Par.?
puṃnāmno vṛkṣasya sakṣīrānt sapalāśānt sakuśān opya // (6.0) Par.?
hiraṇyam iti caike // (7.0) Par.?
taṃ brahmacāriṇe vāgyatāya pradāya // (8.0) Par.?
prāgudīcyāṃ diśi tāḥ stheyāḥ pradakṣiṇā bhavanti // (9.0) Par.?
aśmānaṃ cottarata upasthāpya // (10.0) Par.?
ehi sūnarīty utthāpya // (11.0) Par.?
ehy aśmānam ātiṣṭhāśmeva tvaṃ sthirā bhavābhitiṣṭha pṛtanyataḥ sahasva pṛtanāyata iti dakṣiṇena prapadenāśmānam ākramayya // (12.0) Par.?
pradakṣiṇam agniṃ paryāṇīya // (13.0) Par.?
tenaiva mantreṇa dvitīyaṃ vasanaṃ pradāya // (14.0) Par.?
lājāñchamīpalāśamiśrān pitā bhrātā vā syād añjalāv āvapati // (15.0) Par.?
upastaraṇābhighāraṇapratyabhighāraṇaṃ cājyena // (16.0) Par.?
tān juhoti // (17.0) Par.?
Duration=0.03969407081604 secs.