Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5779
  • Click on a sentence to show its analysis
  • Keep the mouse pointer over a lemma to show its meanings.
Appointment of ministers
sahādhyāyino 'mātyān kurvīta dṛṣṭaśaucasāmarthyatvāt iti bhāradvājaḥ // (1.1) Par.?
te hyasya viśvāsyā bhavanti iti // (2.1) Par.?
neti viśālākṣaḥ // (3.1) Par.?
sahakrīḍitatvāt paribhavantyenam // (4.1) Par.?
ye hyasya guhyasadharmāṇastān amātyān kurvīta samānaśīlavyasanatvāt // (5.1) Par.?
te hyasya marmajñabhayān nāparādhyanti iti // (6.1) Par.?
sādhāraṇaiṣa doṣaḥ iti pārāśarāḥ // (7.1) Par.?
teṣām api marmajñabhayāt kṛtākṛtānyanuvarteta // (8.1) Par.?
yāvadbhyo guhyam ācaṣṭe janebhyaḥ puruṣādhipaḥ / (9.1) Par.?
avaśaḥ karmaṇā tena vaśyo bhavati tāvatām // (9.2) Par.?
yainam āpatsu prāṇābādhayuktāsvanugṛhṇīyustān amātyān kurvīta dṛṣṭānurāgatvāt iti // (10.1) Par.?
neti piśunaḥ // (11.1) Par.?
bhaktir eṣā na buddhiguṇaḥ // (12.1) Par.?
saṃkhyātārtheṣu karmasu niyuktā ye yathādiṣṭam arthaṃ saviśeṣaṃ vā kuryustān amātyān kurvīta dṛṣṭaguṇatvāt iti // (13.1) Par.?
neti kauṇapadantaḥ // (14.1) Par.?
anyair amātyaguṇair ayuktā hyete // (15.1) Par.?
pitṛpaitāmahān amātyān kurvīta dṛṣṭāvadānatvāt // (16.1) Par.?
te hyenam apacarantam api na tyajanti sagandhatvāt // (17.1) Par.?
amānuṣeṣvapi caitad dṛśyate // (18.1) Par.?
gāvo hyasagandhaṃ gogaṇam atikramya sagandheṣvevāvatiṣṭhante iti // (19.1) Par.?
neti vātavyādhiḥ // (20.1) Par.?
te hyasya sarvam avagṛhya svāmivat pracaranti // (21.1) Par.?
tasmān nītivido navān amātyān kurvīta // (22.1) Par.?
navāstu yamasthāne daṇḍadharaṃ manyamānā nāparādhyanti iti // (23.1) Par.?
neti bāhudantīputraḥ // (24.1) Par.?
śāstravid adṛṣṭakarmā karmasu viṣādaṃ gacchet // (25.1) Par.?
tasmād abhijanaprajñāśaucaśauryānurāgayuktān amātyān kurvīta guṇaprādhānyāt iti // (26.1) Par.?
sarvam upapannam iti kauṭilyaḥ // (27.1) Par.?
kāryasāmarthyāddhi puruṣasāmarthyaṃ kalpyate // (28.1) Par.?
sāmarthyataśca vibhajyāmātyavibhavaṃ deśakālau ca karma ca / (29.1) Par.?
amātyāḥ sarva evaite kāryāḥ syur na tu mantriṇaḥ // (29.2) Par.?
Duration=0.069671869277954 secs.