Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5720
  • Click on a sentence to show its analysis
  • Keep the mouse pointer over a lemma to show its meanings.
te bhāskarasya karā vo yuṣmākaṃ kalyāṇaṃ kriyāsur vidheyāsuḥ // (1) Par.?
ye kamalavanodghāṭanaṃ kurvate padmakhaṇḍānāmunmīlanaṃ vidadhate // (2) Par.?
utprekṣate lakṣmīm ākraṣṭukāmā ivāpakraṣṭumanasa iva // (3) Par.?
yato lakṣmīṃ sadaiva kamalavaneṣu kṛtasaṃnidhānāmākraṣṭumiva // (4) Par.?
kiṃ kartum // (5) Par.?
dātuṃ vitāritum // (6) Par.?
kasmai // (7) Par.?
bhaktiprahvāya // (8) Par.?
bhaktyā prahvo namro bhaktiprahvastasmai // (9) Par.?
kīdṛśīṃ śriyam // (10) Par.?
mukulapuṭakuṭīkoṭarakroḍalīnām // (11) Par.?
mukulaśabdena kuḍmalamucyate // (12) Par.?
tasya yaḥ puṭaḥ sa eva kuṭī śāleva mukulapuṭakuṭī tasyāḥ koṭaramabhyantaraṃ tasya kroḍo'vanamrapradeśastatra līnāṃ saṃśliṣṭām // (13) Par.?
kīdṛśāḥ karāḥ // (14) Par.?
kālākārāndhakārānanapatitajagatsādhvasadhvaṃsakalyāḥ // (15) Par.?
kālasyevākāro yasya sa kālākāraḥ sa cāsāvandhakāraśca tasyānanaṃ mukhaṃ tatra patitaṃ yajjagattasya sādhvasaṃ bhayaṃ tasya dhvaṃso nāśastatra kalyāḥ paṭavaḥ samarthā eva // (16) Par.?
punaḥ kiṃlakṣaṇāḥ // (17) Par.?
kisalayarucayaḥ kisalayānāmiva ruciryeṣāṃ te'bhinavāṅkurabhāsaḥ // (18) Par.?
Duration=0.087212800979614 secs.