Texts

Help

Select a text:
Bibliography
Select a chapter:
 (no revisions)
Associated topic(s): vaiśvadeva

Show parallels  Show headlines
Use dependency labeler
Chapter id: 13594
  • Click on a sentence to show its analysis
  • Keep the mouse pointer over a lemma to show its meanings.
atha vaiśvadevaḥ // (1) Par.?
vyākhyāto homakalpaḥ // (2) Par.?
vaiśvadevasya siddhasya sāyaṃ prātar gṛhye 'gnau juhuyāt // (3) Par.?
agnaye svāhā somāya svāhendrāgnibhyāṃ svāhā viṣṇave svāhā bharadvājadhanvantaraye svāhā viśvebhyo devebhyaḥ svāhā prajāpataye svāhāditaye svāhānumataye svāhāgnaye sviṣṭakṛte svāheti hutvaitāsāṃ devatānām // (4) Par.?
atha vāstumadhye baliṃ hared etābhyaś caiva devatābhyo namo brahmaṇe brāhmaṇebhyaś ca vāstoṣpate pratijānīhy asmān iti vāstumadhye vāstoṣpataye ca // (5) Par.?
atha diśāṃ pradakṣiṇaṃ yathārūpaṃ baliṃ harati // (6) Par.?
nama indrāyaindrebhyaś ca namo yamāya yāmyebhyaś ca namo varuṇāya vāruṇebhyaś ca namaḥ somāya saumyebhyaś ca namo bṛhaspataye bārhaspatyebhyaś ca // (7) Par.?
athādityamaṇḍale namo 'ditaya ādityebhyaś ca namo nakṣatrebhya ṛtubhyo māsebhyo 'rdhamāsebhyo 'horātrebhyaḥ saṃvatsarebhyaḥ // (8) Par.?
pūṣṇe pathikṛte dhātre vidhātre marudbhyaś ceti dehalīṣu // (9) Par.?
viṣṇave dṛṣadi // (10) Par.?
vanaspataya ity ulūkhale // (11) Par.?
oṣadhībhya ity oṣadhīnāṃ sthāne // (12) Par.?
parjanyāyādbhya iti maṇike // (13) Par.?
namaḥ śriyai śayyāyāṃ śirasi pādato bhadrakālyai // (14) Par.?
anugupte deśe namaḥ sarvānubhūtaye // (15) Par.?
athāntarikṣe naktaṃcarebhya iti sāyam ahaścarebhya iti prātar ye devāsa iti ca // (16) Par.?
avijñātābhyo devatābhya uttarato dhanapataye ca // (17) Par.?
prācīnāvītī dakṣiṇataḥ śeṣaṃ ninayati ye agnidagdhā iti // (18) Par.?
devapitṛnarebhyo dattvā śrotriyaṃ bhojayet // (19) Par.?
brahmacāriṇe vā bhikṣāṃ dadyāt // (20) Par.?
anantaraṃ sauvāsinīṃ garbhiṇīṃ kumārān sthavirāṃś ca bhojayet // (21) Par.?
śvabhyaḥ śvapacebhyaś ca vayobhyaś cāvaped bhūmau // (22) Par.?
iti nānavattam aśnīyāt // (23) Par.?
naikaḥ // (24) Par.?
na pūrvam // (25) Par.?
tad apy etad ṛcoktaṃ mogham annaṃ vindate apracetā iti // (26) Par.?
Duration=0.11539101600647 secs.