Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5772

Click on a sentence to show its analysis
Keep the mouse pointer over a lemma to show its meanings.

Establishing (the necessity of) philosophy

ānvīkṣikī trayī vārttā daṇḍanītiśceti vidyāḥ // (1.1) Par.?

trayī vārttā daṇḍanītiśceti mānavāḥ // (2.1) Par.?

trayīviśeṣo hyānvīkṣikīti // (3.1) Par.?

vārttā daṇḍanītiśceti bārhaspatyāḥ // (4.1) Par.?

saṃvaraṇamātraṃ hi trayī lokayātrāvida iti // (5.1) Par.?

daṇḍanītir ekā vidyetyauśanasāḥ // (6.1) Par.?

tasyāṃ hi sarvavidyārambhāḥ pratibaddhā iti // (7.1) Par.?

catasra eva vidyā iti kauṭilyaḥ // (8.1) Par.?

tābhir dharmārthau yad vidyāt tad vidyānāṃ vidyātvam // (9.1) Par.?

sāṃkhyaṃ yogo lokāyataṃ cetyānvīkṣikī // (10.1) Par.?

dharmādharmau trayyām arthānarthau vārttāyāṃ nayānayau daṇḍanītyāṃ balābale ca etāsāṃ hetubhir anvīkṣamāṇā lokasya upakaroti vyasane 'bhyudaye ca buddhim avasthāpayati prajñāvākyakriyāvaiśāradyaṃ ca karoti // (11.1) Par.?

pradīpaḥ sarvavidyānām upāyaḥ sarvakarmaṇām / (12.1) Par.?

āśrayaḥ sarvadharmāṇāṃ śaśvad ānvīkṣikī matā // (12.2) Par.?

Duration=0.064722061157227 secs.