Texts

vinīto rājaputraḥ kṛcchravṛttir asadṛśe karmaṇi niyuktaḥ pitaram anuvarteta anyatra prāṇabādhakaprakṛtikopakapātakebhyaḥ // (1.1) Par.?

puṇye karmaṇi niyuktaḥ puruṣam adhiṣṭhātāraṃ yācet // (2.1) Par.?

puruṣādhiṣṭhitaśca saviśeṣam ādeśam anutiṣṭhet // (3.1) Par.?

abhirūpaṃ ca karmaphalam aupāyanikaṃ ca lābhaṃ pitur upanāyayet // (4.1) Par.?

tathāpyatuṣyantam anyasmin putre dāreṣu vā snihyantam araṇyāyāpṛccheta // (5.1) Par.?

bandhavadhabhayād vā yaḥ sāmanto nyāyavṛttir dhārmikaḥ satyavāgavisaṃvādakaḥ pratigrahītā mānayitā cābhipannānāṃ tam āśrayeta // (6.1) Par.?

tatrasthaḥ kośadaṇḍasampannaḥ pravīrapuruṣakanyāsambandham aṭavīsambandhaṃ kṛtyapakṣopagrahaṃ ca kuryāt // (7.1) Par.?

ekacaraḥ suvarṇapākamaṇirāgahemarūpyapaṇyākarakarmāntān ājīvet // (8.1) Par.?

pāṣaṇḍasaṃghadravyam aśrotriyopabhogyaṃ vā devadravyam āḍhyavidhavādravyaṃ vā gūḍham anupraviśya sārthayānapātrāṇi ca madanarasayogenātisaṃdhāyāpaharet // (9.1) Par.?

pāragrāmikaṃ vā yogam ātiṣṭhet // (10.1) Par.?

mātuḥ parijanopagraheṇa vā ceṣṭeta // (11.1) Par.?

kāruśilpikuśīlavacikitsakavāgjīvanapāṣaṇḍacchadmabhir vā naṣṭarūpastadvyañjanasakhaśchidreṣu praviśya rājñaḥ śastrarasābhyāṃ prahṛtya brūyāt aham asau kumāraḥ sahabhogyam idaṃ rājyam eko nārhati bhoktum ye kāmayante māṃ bhartuṃ tān ahaṃ dviguṇena bhaktavetanenopasthāsyāmi iti / (12.1) Par.?

ityaparuddhavṛttam / (12.2) Par.?

aparuddhaṃ tu mukhyaputrāpasarpāḥ pratipādyānayeyuḥ mātā vā pratigṛhītā // (12.3) Par.?

tyaktaṃ gūḍhapuruṣāḥ śastrarasābhyāṃ hanyuḥ // (13.1) Par.?

atyaktaṃ tulyaśīlābhiḥ strībhiḥ pānena mṛgayayā vā prasañjayitvā rātrāv upagṛhyānayeyuḥ // (14.1) Par.?

upasthitaṃ ca rājyena madūrdhvam iti sāntvayet / (15.1) Par.?

ekastham atha saṃrundhyāt putravāṃstu pravāsayet // (15.2) Par.?