Texts

gharmāṃśorādityasya ghṛṇayo mayūkhā vo yuṣmākamaṃhovighātaṃ pāpāpanodaṃ vidadhatu kurvantu // (1) Par.?

śīghraṃ tatkṣaṇam // (2) Par.?

kiṃviśiṣṭāḥ // (3) Par.?

dattārghā datto viśrāṇito'rgho yebhyaste // (4) Par.?

kaiḥ // (5) Par.?

siddhasaṃghaiḥ siddhā aṇimādiyuktāsteṣāṃ saṃghā vrātāstairiti // (6) Par.?

kiṃbhūto'sau gharmāṃśuḥ // (7) Par.?

yaḥ punarapi bhūyo'pi ghaṭayati karoti // (8) Par.?

kān // (9) Par.?

śīrṇaghrāṇāṅghripāṇīn // (10) Par.?

ghrāṇaṃ nāsā // (11) Par.?

aṅghrī pādau // (12) Par.?

pāṇī hastau // (13) Par.?

ghrāṇaṃ cāṅghrī ca pāṇī ceti samāhāradvaṃdvaḥ // (14) Par.?

śīrṇā ghrāṇāṅghripāṇayo yeṣāṃ sāmarthyādaṅgināṃ te tathoktān // (15) Par.?

tathā apaghanairaṅgairvraṇibhirupalakṣitān // (16) Par.?

ghargharāvyaktaghoṣān ghargharo jarjaro'vyakto'sphuṭo ghoṣo dhvaniryeṣām // (17) Par.?

ghrāṇādiluptatāyāṃ kaṇṭhauṣṭhādivraṇitāyāṃ ca kāraṇamupavarṇayannāha aghaughaiḥ pāpasamūhair dīrghāghrātāṃścirataragrastān // (18) Par.?

kiṃ kurvan // (19) Par.?

ullāghayan nirvyādhīkurvan // (20) Par.?

eko'sahāyaḥ // (21) Par.?

rudrādayo'pi sūryamūrtim ārūḍhā eva nīrogaṃ kurvantīti saṃbandhaḥ // (22) Par.?

kiṃbhūtasya bhānoḥ // (23) Par.?

antardviguṇaghanaghṛṇānighnanirvighnavṛtteḥ // (24) Par.?

antarmadhye cetasi dviguṇā ghanā bahulā ghṛṇā dayā // (25) Par.?

ghanā cāsau ghṛṇā ca ghanaghṛṇā // (26) Par.?

antardviguṇā cāsau ghanaghṛṇā ca tayā nighnā paravaśā nirvighnā antarāyarahitā vṛttiryasya sa tathoktaḥ // (27) Par.?