Texts

koṣṭhāgārādhyakṣaḥ sītārāṣṭrakrayimaparivartakaprāmityakāpamityakasaṃhanikānyajātavyayapratyāyopasthānāny upalabhet // (1.1) Par.?

sītādhyakṣopanītaḥ sasyavarṇakaḥ sītā // (2.1) Par.?

piṇḍakaraḥ ṣaḍbhāgaḥ senābhaktaṃ baliḥ kara utsaṅgaḥ pārśvaṃ pārihīṇikam aupāyanikaṃ kauṣṭheyakaṃ ca rāṣṭram // (3.1) Par.?

dhānyamūlyaṃ kośanirhāraḥ prayogapratyādānaṃ ca krayimam // (4.1) Par.?

sasyavarṇānām arghāntareṇa vinimayaḥ parivartakaḥ // (5.1) Par.?

sasyayācanam anyataḥ prāmityakam // (6.1) Par.?

tad eva pratidānārtham āpamityakam // (7.1) Par.?

kuṭṭakarocakasaktuśuktapiṣṭakarma tajjīvaneṣu tailapīḍanam audracākrikeṣvikṣūṇāṃ ca kṣārakarma saṃhanikā // (8.1) Par.?

naṣṭaprasmṛtādir anyajātaḥ // (9.1) Par.?

vikṣepavyādhitāntarārambhaśeṣaṃ ca vyayapratyāyaḥ // (10.1) Par.?

tulāmānāntaraṃ hastapūraṇam utkaro vyājī paryuṣitaṃ prārjitaṃ copasthānam iti // (11.1) Par.?

dhānyasnehakṣāralavaṇānāṃ dhānyakalpaṃ sītādhyakṣe vakṣyāmaḥ // (12.1) Par.?

sarpistailavasāmajjānaḥ snehāḥ // (13.1) Par.?

phāṇitaguḍamatsyaṇḍikākhaṇḍaśarkarāḥ kṣāravargaḥ // (14.1) Par.?

saindhavasāmudrabiḍayavakṣārasauvarcalodbhedajā lavaṇavargaḥ // (15.1) Par.?

kṣaudraṃ mārdvīkaṃ ca madhu // (16.1) Par.?

ikṣurasaguḍamadhuphāṇitajāmbavapanasānām anyatamo meṣaśṛṅgīpippalīkvāthābhiṣuto māsikaḥ ṣāṇmāsikaḥ sāṃvatsariko vā cidbhiṭorvārukekṣukāṇḍāmraphalāmalakāvasutaḥ śuddho vā śuktavargaḥ // (17.1) Par.?

vṛkṣāmlakaramardāmravidalāmalakamātuluṅgakolabadarasauvīrakaparūṣakādiḥ phalāmlavargaḥ // (18.1) Par.?

dadhidhānyāmlādir dravāmlavargaḥ // (19.1) Par.?

pippalīmaricaśṛṅgiberājājīkirātatiktagaurasarṣapakustumburucorakadamanakamaruvakaśigrukāṇḍādiḥ kaṭukavargaḥ // (20.1) Par.?

śuṣkamatsyamāṃsakandamūlaphalaśākādi ca śākavargaḥ // (21.1) Par.?

tato 'rdham āpadarthaṃ jānapadānāṃ sthāpayed ardham upayuñjīta // (22.1) Par.?

navena cānavaṃ śodhayet // (23.1) Par.?

kṣuṇṇaghṛṣṭapiṣṭabhṛṣṭānām ārdraśuṣkasiddhānāṃ ca dhānyānāṃ vṛddhikṣayapramāṇāni pratyakṣīkurvīta // (24.1) Par.?

kodravavrīhīṇām ardhaṃ sāraḥ śālīnām ardhabhāgonaḥ tribhāgono varakāṇām // (25.1) Par.?

priyaṅgūṇām ardhaṃ sāro navabhāgavṛddhiśca // (26.1) Par.?

udārakastulyaḥ yavā godhūmāśca kṣuṇṇāḥ tilā yavā mudgamāṣāśca ghṛṣṭāḥ // (27.1) Par.?

pañcabhāgavṛddhirgodhūmaḥ saktavaśca // (28.1) Par.?

pādonā kalāyacamasī // (29.1) Par.?

mudgamāṣāṇām ardhapādonā // (30.1) Par.?

śaumbyānām ardhaṃ sāraḥ tribhāgono masūrāṇām // (31.1) Par.?

piṣṭam āmaṃ kulmāṣāścādhyardhaguṇāḥ // (32.1) Par.?

dviguṇo yāvakaḥ pulākaḥ piṣṭaṃ ca siddham // (33.1) Par.?

kodravavarakodārakapriyaṅgūṇāṃ triguṇam annam caturguṇaṃ vrīhīṇām pañcaguṇaṃ śālīnām // (34.1) Par.?

timitam aparānnaṃ dviguṇam ardhādhikaṃ virūḍhānām // (35.1) Par.?

pañcabhāgavṛddhir bhṛṣṭānām // (36.1) Par.?

kalāyo dviguṇaḥ lājā bharujāśca // (37.1) Par.?

ṣaṭkaṃ tailam atasīnām // (38.1) Par.?

nimbakuśāmrakapitthādīnāṃ pañcabhāgaḥ // (39.1) Par.?

caturbhāgikās tilakusumbhamadhūkeṅgudīsnehāḥ // (40.1) Par.?

kārpāsakṣaumāṇāṃ pañcapale palaṃ sūtram // (41.1) Par.?

pañcadroṇe śālīnāṃ dvādaśāḍhakaṃ taṇḍulānāṃ kalabhabhojanam ekādaśakaṃ vyālānām daśakam aupavāhyānāṃ navakaṃ sāṃnāhyānām aṣṭakaṃ pattīnām saptakaṃ mukhyānām ṣaṭkaṃ devīkumārāṇām pañcakaṃ rājñām akhaṇḍapariśuddhānāṃ vā taṇḍulānāṃ prasthaḥ // (42.1) Par.?

taṇḍulānāṃ prasthaḥ caturbhāgaḥ sūpaḥ sūpaṣoḍaśo lavaṇasyāṃśaḥ caturbhāgaḥ sarpiṣastailasya vaikam āryabhaktaṃ puṃsaḥ // (43.1) Par.?

ṣaḍbhāgaḥ sūpaḥ ardhasneham avarāṇām // (44.1) Par.?

pādonaṃ strīṇām // (45.1) Par.?

ardhaṃ bālānām // (46.1) Par.?

māṃsapalaviṃśatyā snehārdhakuḍubaḥ paliko lavaṇasyāṃśaḥ kṣārapalayogo dvidharaṇikaḥ kaṭukayogo dadhnaś cārdhaprasthaḥ // (47.1) Par.?

tenottaraṃ vyākhyātam // (48.1) Par.?

śākānām adhyardhaguṇaḥ śuṣkāṇāṃ dviguṇaḥ sa caiva yogaḥ // (49.1) Par.?

hastyaśvayos tadadhyakṣe vidhāpramāṇaṃ vakṣyāmaḥ // (50.1) Par.?

balīvardānāṃ māṣadroṇaṃ yavānāṃ vā pulākaḥ śeṣam aśvavidhānam // (51.1) Par.?

viśeṣo ghāṇapiṇyākatulā kaṇakuṇḍakaṃ daśāḍhakaṃ vā // (52.1) Par.?

dviguṇaṃ mahiṣoṣṭrāṇām // (53.1) Par.?

ardhadroṇaṃ kharapṛṣatarohitānām // (54.1) Par.?

āḍhakam eṇakuraṅgāṇām // (55.1) Par.?

ardhāḍhakam ajaiḍakavarāhāṇām dviguṇaṃ vā kaṇakuṇḍakam // (56.1) Par.?

prasthaudanaḥ śunām // (57.1) Par.?

haṃsakrauñcamayūrāṇām ardhaprasthaḥ // (58.1) Par.?

śeṣāṇām ato mṛgapaśupakṣivyālānām ekabhaktād anumānaṃ grāhayet // (59.1) Par.?

aṅgārāṃstuṣān lohakarmāntabhittilepyānāṃ hārayet // (60.1) Par.?

kaṇikā dāsakarmakarasūpakārāṇām ato 'nyad audanikāpūpikebhyaḥ prayacchet // (61.1) Par.?

tulāmānabhāṇḍaṃ rocanīdṛṣanmusalolūkhalakuṭṭakarocakayantrapattrakaśūrpacālanikākaṇḍolīpiṭakasaṃmārjanyaś copakaraṇāni // (62.1) Par.?

mārjakarakṣakadharakamāyakamāpakadāyakadāpakaśalākāpratigrāhakadāsakarmakaravargaśca viṣṭiḥ // (63.1) Par.?

uccair dhānyasya nikṣepo mūtāḥ kṣārasya saṃhatāḥ / (64.1) Par.?

mṛtkāṣṭhakoṣṭhāḥ snehasya pṛthivī lavaṇasya ca // (64.2) Par.?