Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7298

Click on a sentence to show its analysis
Keep the mouse pointer over a lemma to show its meanings.

superintendent of the armoury

āyudhāgārādhyakṣaḥ sāṃgrāmikaṃ daurgakarmikaṃ parapurābhighātikaṃ ca yantram āyudham āvaraṇam upakaraṇaṃ ca tajjātakāruśilpibhiḥ kṛtakarmapramāṇakālavetanaphalaniṣpattibhiḥ kārayet svabhūmiṣu ca sthāpayet // (1.1) Par.?

sthānaparivartanam ātapapravātapradānaṃ ca bahuśaḥ kuryāt // (2.1) Par.?

ūṣmopasnehakrimibhir upahanyamānam anyathā sthāpayet // (3.1) Par.?

jātirūpalakṣaṇapramāṇāgamamūlyanikṣepaiścopalabheta // (4.1) Par.?

sarvatobhadrajāmadagnyabahumukhaviśvāsaghātisaṃghāṭīyānakaparjanyakabāhūrdhvabāhvardhabāhūni sthitayantrāṇi // (5.1) Par.?

pāñcālikadevadaṇḍasūkarikāmusalayaṣṭihastivārakatālavṛntamudgaragadāspṛktalākuddālāsphāṭimotpāṭimodghāṭimaśataghnitriśūlacakrāṇi calayantrāṇi // (6.1) Par.?

śaktiprāsakuntahāṭakabhiṇḍipālaśūlatomaravarāhakarṇakaṇayakarpaṇatrāsikādīni ca hulamukhāni // (7.1) Par.?

tālacāpadāravaśārṅgāṇi kārmukakodaṇḍadrūṇā dhanūṃṣi // (8.1) Par.?

mūrvārkaśaṇagavedhuveṇusnāyūni jyāḥ // (9.1) Par.?

veṇuśaraśalākādaṇḍāsananārācāś ceṣavaḥ // (10.1) Par.?

teṣāṃ mukhāni chedanabhedanatāḍanāny āyasāsthidāravāṇi // (11.1) Par.?

nistriṃśamaṇḍalāgrāsiyaṣṭayaḥ khaḍgāḥ // (12.1) Par.?

khaḍgamahiṣavāraṇaviṣāṇadāruveṇumūlāni tsaravaḥ // (13.1) Par.?

paraśukuṭhārapaṭṭasakhanitrakuddālakrakacakāṇḍacchedanāḥ kṣurakalpāḥ // (14.1) Par.?

yantragoṣpaṇamuṣṭipāṣāṇarocanīdṛṣadaś cāśmāyudhāni // (15.1) Par.?

lohajālikāpaṭṭakavacasūtrakaṅkaṭaśiṃśumārakakhaḍgidhenukahastigocarmakhuraśṛṅgasaṃghātaṃ varmāṇi // (16.1) Par.?

śirastrāṇakaṇṭhatrāṇakūrpāsakañcukavāravāṇapaṭṭanāgodarikāḥ peṭīcarmahastikarṇatālamūladhamanikākapāṭakiṭikāpratihatabalāhakāntāś cāvaraṇāṇi // (17.1) Par.?

hastirathavājināṃ yogyabhāṇḍam ālaṃkārikaṃ saṃnāhakalpanāś copakaraṇāni // (18.1) Par.?

aindrajālikam aupaniṣadikaṃ ca karma // (19.1) Par.?

karmāntānāṃ ca icchām ārambhaniṣpattiṃ prayogaṃ vyājam uddayam / (20.1) Par.?

kṣayavyayau ca jānīyāt kupyānām āyudheśvaraḥ // (20.2) Par.?

Duration=0.047333955764771 secs.