Texts

pautavādhyakṣaḥ pautavakarmāntān kārayet // (1.1) Par.?

dhānyamāṣā daśa suvarṇamāṣakaḥ pañca vā guñjāḥ // (2.1) Par.?

te ṣoḍaśa suvarṇaḥ karṣo vā // (3.1) Par.?

catuṣkarṣaṃ palam // (4.1) Par.?

aṣṭāśītir gaurasarṣapā rūpyamāṣakaḥ // (5.1) Par.?

te ṣoḍaśa dharaṇaṃ śaimbyāni vā viṃśatiḥ // (6.1) Par.?

viṃśatitaṇḍulaṃ vajradharaṇam // (7.1) Par.?

ardhamāṣakaḥ māṣakaḥ dvau catvāraḥ aṣṭau māṣakāḥ suvarṇo dvau catvāraḥ aṣṭau suvarṇāḥ daśa viṃśatiḥ triṃśat catvāriṃśat śatam iti // (8.1) Par.?

tena dharaṇāni vyākhyātāni // (9.1) Par.?

pratimānānyayomayāni māgadhamekalaśailamayāni yāni vā nodakapradehābhyāṃ vṛddhiṃ gaccheyur uṣṇena vā hrāsam // (10.1) Par.?

ṣaḍaṅgulād ūrdhvam aṣṭāṅgulottarā daśa tulāḥ kārayel lohapalād ūrdhvam ekapalottarāḥ yantram ubhayataḥśikyaṃ vā // (11.1) Par.?

pañcatriṃśatpalalohāṃ dvisaptatyaṅgulāyāmāṃ samavṛttāṃ kārayet // (12.1) Par.?

tasyāḥ pañcapalikaṃ maṇḍalaṃ baddhvā samakaraṇaṃ kārayet // (13.1) Par.?

tataḥ karṣottaraṃ palaṃ palottaraṃ daśapalaṃ dvādaśa pañcadaśa viṃśatir iti padāni kārayet // (14.1) Par.?

tata āśatād daśottaraṃ kārayet // (15.1) Par.?

akṣeṣu nāndīpinaddhaṃ kārayet // (16.1) Par.?

dviguṇalohāṃ tulām ataḥ ṣaṇṇavatyaṅgulāyāmāṃ parimāṇīṃ kārayet // (17.1) Par.?

tasyāḥ śatapadād ūrdhvaṃ viṃśatiḥ pañcāśat śatam iti padāni kārayet // (18.1) Par.?

viṃśatitauliko bhāraḥ // (19.1) Par.?

daśadhāraṇikaṃ palam // (20.1) Par.?

tatpalaśatam āyamānī // (21.1) Par.?

pañcapalāvarā vyāvahārikī bhājanyantaḥpurabhājanī ca // (22.1) Par.?

tāsām ardhadharaṇāvaraṃ palam dvipalāvaram uttaraloham ṣaḍaṅgulāvarāścāyāmāḥ // (23.1) Par.?

pūrvayoḥ pañcapalikaḥ prayāmo māṃsalohalavaṇamaṇivarjam // (24.1) Par.?

kāṣṭhatulā aṣṭahastā padavatī pratimānavatī mayūrapadādhiṣṭhitā // (25.1) Par.?

kāṣṭhapañcaviṃśatipalaṃ taṇḍulaprasthasādhanam // (26.1) Par.?

eṣa pradeśo bahvalpayoḥ // (27.1) Par.?

iti tulāpratimānaṃ vyākhyātam // (28.1) Par.?

atha dhānyamāṣadvipalaśataṃ droṇam āyamānam saptāśītipalaśatam ardhapalaṃ ca vyāvahārikam pañcasaptatipalaśataṃ bhājanīyam dviṣaṣṭipalaśatam ardhapalaṃ cāntaḥpurabhājanīyam // (29.1) Par.?

teṣām āḍhakaprasthakuḍubāścaturbhāgāvarāḥ // (30.1) Par.?

ṣoḍaśadroṇā khārī // (31.1) Par.?

viṃśatidroṇikaḥ kumbhaḥ // (32.1) Par.?

kumbhair daśabhir vahaḥ // (33.1) Par.?

śuṣkasāradārumayaṃ samaṃ caturbhāgaśikhaṃ mānaṃ kārayet antaḥśikhaṃ vā // (34.1) Par.?

rasasya tu surāyāḥ puṣpaphalayostuṣāṅgārāṇāṃ sudhāyāśca śikhāmānaṃ dviguṇottarā vṛddhiḥ // (35.1) Par.?

sapādapaṇo droṇamūlyam āḍhakasya pādonaḥ ṣaṇmāṣakāḥ prasthasya māṣakaḥ kuḍubasya // (36.1) Par.?

dviguṇaṃ rasādīnāṃ mānamūlyam // (37.1) Par.?

viṃśatipaṇāḥ pratimānasya // (38.1) Par.?

tulāmūlyaṃ tribhāgaḥ // (39.1) Par.?

caturmāsikaṃ prātivedhanikaṃ kārayet // (40.1) Par.?

apratividdhasyātyayaḥ sapādaḥ saptaviṃśatipaṇaḥ // (41.1) Par.?

prātivedhanikaṃ kākaṇīkam ahar ahaḥ pautavādhyakṣāya dadyuḥ // (42.1) Par.?

dvātriṃśadbhāgastaptavyājī sarpiṣaḥ catuḥṣaṣṭibhāgastailasya // (43.1) Par.?

pañcāśad bhāgo mānasrāvo dravāṇām // (44.1) Par.?

kuḍubārdhacaturaṣṭabhāgāni mānāni kārayet // (45.1) Par.?

kuḍubāścaturaśītir vārakaḥ sarpiṣo mataḥ // (46.1) Par.?

catuḥṣaṣṭistu tailasya pādaśca ghaṭikānayoḥ // (47.1) Par.?