Texts

pañcapañcasaṃkhyāvacchinnāḥ samudāyāḥ pañcakā lābhādayas teṣāṃ nyūnādhikavyavacchedena aṣṭa iti saṃkhyām āha // (1) Par.?

tuśabdaḥ saṃkṣepavistāraparijñānayoḥ tulyaphalatvam avadhārayati śiṣyajijñāsānurodhena bhāṣyārambho 'py arthavān iti // (2) Par.?

vijñeyā viśeṣeṇa jñātavyāḥ punaḥ punar abhyāsena dṛḍhīkartavyā yena sarvadā śāstrārthe cittasthe kṛte sati granthavismaraṇe 'pi brahmodyadoṣo na bhavet // (3) Par.?

anuṣṭhānāśaktasyānyathā hi surāpānasamaṃ pātakaṃ syād iti // (4) Par.?

gaṇaśabdaḥ samuccayavācī // (5) Par.?

caśabdaḥ samuccayena kevalam aṣṭa pañcakā vijñeyā gaṇaś caikas trikātmako vijñeya iti // (6) Par.?

eka ity anantaroktāṣṭasaṃkhyāśaṅkānirākaraṇārtham // (7) Par.?

trisaṃkhyāvacchinnaḥ samudāyaḥ trikaḥ // (8) Par.?

sa eva ātmā svabhāvo yasya bhaikṣādivṛttigaṇasya sa tathoktaḥ vṛttyantaraniṣedhārtham // (9) Par.?

evam ete nava gaṇā jñeyatvonoddiṣṭāḥ // (10) Par.?

yas tān samyag avadhārayati so 'vaśyaṃ duḥkhāntaṃ yāsyaty anyeṣāṃ cānugrahakaraṇasamartho bhavatīti // (11) Par.?

kutaḥ punar etan niścīyata iti // (12) Par.?

niścīyate yasmāt sarvair eva paramayogibhiḥ vettā navagaṇasyāsya saṃskartā gurur ucyate // (13) Par.?

vida jñāne // (14) Par.?

tasya vediteti prāpte chandobhaṅgaparihārārthaṃ chāndasaḥ prayogo vettā iti kṛtaḥ // (15) Par.?

athavā vicāraṇe tasya vetteti bhavati // (16) Par.?

vettā vicārayitā // (17) Par.?

navagaṇānām iti bahuvacane prāpte chandobhaṅgaparihārārthaṃ tatparijñānasya bhinnaphalatvajñāpanārthaṃ vā navagaṇasya ity uktam // (18) Par.?

nandimahākālādiṣv api gaṇaśabdo dṛṣṭaḥ tadāśaṅkānirākaraṇārtham asyety uktam // (19) Par.?

asya anantaroddiṣṭasya lābhādikasyety arthaḥ // (20) Par.?

suparīkṣitaṃ brāhmaṇaṃ dīkṣāviśeṣeṇa pañcārthajñānaviśeṣeṇa ca śiṣyaṃ saṃskurvan saṃskartā ity ucyate // (21) Par.?

sa ca tajjñair mukhyata eva gurur ucyate // (22) Par.?

gurur ācāryaḥ śraddhāvatām āśramiṇāṃ darśanasambhāṣaṇādibhir api pāpaghnaḥ puṇyātiśayakārī cety arthaḥ // (23) Par.?

athavā anyathā kārikāsambandhaḥ pradarśyate // (24) Par.?

dvividhaḥ khalv atra brāhmaṇo 'pavargagantā śrūyate sādhaka ācāryaś ceti // (25) Par.?

tatreha darśane yaḥ sādhakaḥ sann apavargaṃ gantum icchati // (26) Par.?

śāstraṃ śrutvācāryopadeśamātrād vā vidhyādisvarūpaṃ jñātvā vidhiyogānuṣṭhānam atyantābhiyogena kartavyam // (27) Par.?

yas tv ācāryaḥ sann apavargam gantum icchati tena kiṃ kartavyam iti āha // (28) Par.?

pañcakās tv aṣṭa vijñeyā gaṇaś caikas trikātmakaḥ iti // (29) Par.?

tuśabdaḥ samastasūtrasūtrāvayavānām upodghātādiniścayadvāreṇa navagaṇā vijñeyās tān vijñāya śiṣyāṇāṃ saṃśayād yajñānaṃ nirvartayatā saṃskāraḥ kartavya ity evaṃbhūtaṃ viśeṣaṃ sūcayati // (30) Par.?

śeṣas tv avayavārthaḥ pūrvavat // (31) Par.?

kathaṃ punar etat gamyate // (32) Par.?

duḥkhanimittam ācāryatvam ātmana icchatā navagaṇā viśeṣato jñātavyā iti gamyate // (33) Par.?

yasmāt // (34) Par.?