UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7272
- Click on a sentence to show its analysis
- Keep the mouse pointer over a lemma to show its meanings.
pralambhanam tatra adbhutotpādanam
śirīṣodumbaraśamīcūrṇaṃ sarpiṣā saṃhṛtyārdhamāsikaḥ kṣudyogaḥ // (1.1)
Par.?
kaśerukotpalakandekṣumūlabisadūrvākṣīraghṛtamaṇḍasiddho māsikaḥ // (2.1)
Par.?
māṣayavakulatthadarbhamūlacūrṇaṃ vā kṣīraghṛtābhyām vallīkṣīraghṛtaṃ vā samasiddham sālapṛśniparṇīmūlakalkaṃ payasā pītvā payo vā tatsiddhaṃ madhughṛtābhyām aśitvā māsam upavasati // (3.1)
Par.?
śvetabastamūtre saptarātroṣitaiḥ siddhārthakaiḥ siddhaṃ tailaṃ kaṭukālābau māsārdhamāsasthitaṃ catuṣpadadvipadānāṃ virūpakaraṇam // (4.1)
Par.?
takrayavabhakṣasya saptarātrād ūrdhvaṃ śvetagardabhasya leṇḍayavaiḥ siddhaṃ gaurasarṣapatailaṃ virūpakaraṇam // (5.1)
Par.?
etayor anyatarasya mūtraleṇḍarasasiddhaṃ siddhārthakatailam arkatūlapataṅgacūrṇapratīvāpaṃ śvetīkaraṇam // (6.1)
Par.?
śvetakukkuṭājagaraleṇḍayogaḥ śvetīkaraṇam // (7.1)
Par.?
śvetabastamūtre śvetasarṣapāḥ saptarātroṣitās takram arkakṣīralavaṇaṃ dhānyaṃ ca pakṣasthito yogaḥ śvetīkaraṇam // (8.1)
Par.?
kaṭukālābau valīgate gatam ardhamāsasthitaṃ gaurasarṣapapiṣṭaṃ romṇāṃ śvetīkaraṇam // (9.1) Par.?
alojuneti yaḥ kīṭaḥ śvetā ca gṛhagolikā / (10.1)
Par.?
etena piṣṭenābhyaktāḥ keśāḥ syuḥ śaṅkhapāṇḍarāḥ // (10.2)
Par.?
gomayena tindukāriṣṭakalkena vā marditāṅgasya bhallātakarasānuliptasya māsikaḥ kuṣṭhayogaḥ // (11.1)
Par.?
kṛṣṇasarpamukhe gṛhagolikāmukhe vā saptarātroṣitā guñjāḥ kuṣṭhayogaḥ // (12.1)
Par.?
śukapittāṇḍarasābhyaṅgaḥ kuṣṭhayogaḥ // (13.1)
Par.?
kuṣṭhasya priyālakalkakaṣāyaḥ pratīkāraḥ // (14.1)
Par.?
kukkuṭakośātakīśatāvarīmūlayuktam āhārayamāṇo māsena gauro bhavati // (15.1)
Par.?
vaṭakaṣāyasnātaḥ sahacarakalkadigdhaḥ kṛṣṇo bhavati // (16.1)
Par.?
śakunakaṅgutailayuktā haritālamanaḥśilāḥ śyāmīkaraṇam // (17.1)
Par.?
khadyotacūrṇaṃ sarṣapatailayuktaṃ rātrau jvalati // (18.1)
Par.?
khadyotagaṇḍūpadacūrṇaṃ samudrajantūnāṃ bhṛṅgakapālānāṃ khadirakarṇikārāṇāṃ puṣpacūrṇaṃ vā śakunakaṅgutailayuktaṃ tejanacūrṇam // (19.1)
Par.?
pāribhadrakatvaṅmaṣī maṇḍūkavasayā yuktā gātraprajvālanam agninā // (20.1)
Par.?
pāribhadrakatvaktilakalkapradigdhaṃ śarīram agninā jvalati // (21.1)
Par.?
pīlutvaṅmaṣīmayaḥ piṇḍo haste jvalati // (22.1)
Par.?
maṇḍūkavasādigdho 'gninā jvalati // (23.1)
Par.?
tena pradigdham aṅgaṃ kuśāmraphalatailasiktaṃ samudramaṇḍūkīphenakasarjarasacūrṇayuktaṃ vā jvalati // (24.1)
Par.?
maṇḍūkakulīrādīnāṃ vasayā samabhāgaṃ tailaṃ siddham abhyaṅgaṃ gātrāṇām agniprajvālanam // (25.1)
Par.?
veṇumūlaśaivalaliptam aṅgaṃ maṇḍūkavasādigdham agninā jvalati // (26.1)
Par.?
pāribhadrakapratibalāvañjulavajrakadalīmūlakalkena maṇḍūkavasāsiddhena tailenābhyaktapādo 'ṅgāreṣu gacchati // (27.1)
Par.?
upodakā pratibalā vañjulaḥ pāribhadrakaḥ / (28.1)
Par.?
eteṣāṃ mūlakalkena maṇḍūkavasayā saha // (28.2)
Par.?
sādhayet tailam etena pādāvabhyajya nirmalau / (29.1)
Par.?
aṅgārarāśau vicared yathā kusumasaṃcaye // (29.2)
Par.?
haṃsakrauñcamayūrāṇām anyeṣāṃ vā mahāśakunīnām udakaplavānāṃ puccheṣu baddhā naladīpikā rātrāvulkādarśanam // (30.1)
Par.?
vaidyutaṃ bhasmāgniśamanam // (31.1)
Par.?
strīpuṣpapāyitā māṣā vrajakulīmūlaṃ maṇḍūkavasāmiśraṃ cullyāṃ dīptāyām apācanam // (32.1)
Par.?
cullīśodhanaṃ pratīkāraḥ // (33.1)
Par.?
pīlumayo maṇir agnigarbhaḥ suvarcalāmūlagranthiḥ sūtragranthir vā picupariveṣṭito mukhyād agnidhūmotsargaḥ // (34.1)
Par.?
kuśāmraphalatailasikto 'gnir varṣapravāteṣu jvalati // (35.1)
Par.?
samudraphenakas tailayukto 'mbhasi plavamāno jvalati // (36.1)
Par.?
plavamānānām asthiṣu kalmāṣaveṇunā nirmathito 'gnir nodakena śāmyati udakena jvalati // (37.1)
Par.?
śastrahatasya śūlaprotasya vā puruṣasya vāmapārśvaparśukāsthiṣu kalmāṣaveṇunā nirmathito 'gniḥ striyāḥ puruṣasya vāsthiṣu manuṣyaparśukayā nirmathito 'gnir yatra trir apasavyaṃ gacchati na cātrānyo 'gnir jvalati // (38.1)
Par.?
cucundarī khañjarīṭaḥ khārakīṭaśca piṣyate / (39.1)
Par.?
aśvamūtreṇa saṃsṛṣṭā nigalānāṃ tu bhañjanam // (39.2)
Par.?
ayaskānto vā pāṣāṇaḥ kulīradardurakhārakīṭavasāpradehena dviguṇaḥ // (40.1)
Par.?
nārakagarbhaḥ kaṅkabhāsapārśvotpalodakapiṣṭaścatuṣpadadvipadānāṃ pādalepaḥ // (41.1)
Par.?
ulūkagṛdhravasābhyām uṣṭracarmopānahāvabhyajya vaṭapattraiḥ praticchādya pañcāśadyojanānyaśrānto gacchati // (42.1)
Par.?
śyenakaṅkakākagṛdhrahaṃsakrauñcavīcīrallānāṃ majjāno retāṃsi vā yojanaśatāya siṃhavyāghradvīpakākolūkānāṃ majjāno retāṃsi vā // (43.1)
Par.?
sārvavarṇikāni garbhapatanānyuṣṭrikāyām abhiṣūya śmaśāne pretaśiśūn vā tatsamutthitaṃ medo yojanaśatāya // (44.1)
Par.?
aniṣṭair adbhutotpātaiḥ parasyodvegam ācaret / (45.1)
Par.?
ā rājyāyeti nirvādaḥ samānaḥ kopa ucyate // (45.2)
Par.?
Duration=0.15178203582764 secs.