Texts

Help

Select a text:
Bibliography
Select a chapter:
 (no revisions)
Associated topic(s): Pashupata Shaivism

Show parallels  Show headlines
Use dependency labeler
Chapter id: 504
  • Click on a sentence to show its analysis
  • Keep the mouse pointer over a lemma to show its meanings.
prātipadāvasthā khalu vyaktāvasthety uktā // (1) Par.?
kasmāt // (2) Par.?
pāśupatye 'yam iti vyaktinimittatvāt bhasmasnānaśayanānusnānādibhir liṅgadhārīty upadeśād iti // (3) Par.?
dvitīyāvasthā tu jātyādivyakter ahetutvād avyaktāvasthety uktā // (4) Par.?
kasmāt // (5) Par.?
avyaktaliṅgopadeśād vidyādigopanopadeśāc ceti // (6) Par.?
tṛtīyāvasthā punar indriyajayārthatvena jayāvasthety ucyate // (7) Par.?
devanityasvārthatve 'py asyā indriyajayārthataiva prādhānyenoktā sūtrāṇāṃ sambandhakathanadvāreṇācāryabhāṣyakṛteti // (8) Par.?
chedāvasānārthāvasthā chedāvasthety uktā // (9) Par.?
sarvasya sādhakavyāpārasyātyantoparamo niṣṭhā // (10) Par.?
tadupalakṣitāvasthā niṣṭhāvasthety ucyate // (11) Par.?
vyaktādiviśeṣaṇābhidhānādyūhādiśaktimatāṃ viśeṣapratipattir bhaviṣyatīty abhiprāyavatātrāvasthāgrahaṇaṃ na kṛtam iti // (12) Par.?
caśabdo nyūnādhikavyavacchedasūcakaḥ // (13) Par.?
pretonmattamūḍhāvasthāntarasadbhāvād adhikavyavacchedānupapattir iti cen na gopananiyamenāvyaktāvasthāyām evāntarbhāvāt // (14) Par.?
jayacchedāvasthayor apy avyaktāvasthātvaprasaṅga iti cen nānayor gopananiyamānabhyupagamān niṣṭhāvasthām anabhyupagamya siddhāvasthāṃ pañcamīm āhuḥ // (15) Par.?
kecit tanmatam avadhāraṇenaiva nirācaṣṭe // (16) Par.?
niṣṭhā caiveha pañcamī iti // (17) Par.?
ihety asmin pañcārthadarśane niṣṭhāvasthaiva pañcamī sūtraprāmāṇyāt pratīyate na siddhāvasthā // (18) Par.?
tatra kṣapaṇīyaprāpaṇīyābhāvāt sādhakāvasthāś ceha nirūpyante na tato 'nyasyeti // (19) Par.?
atrāha // (20) Par.?
anadhikāriṇo 'vasthāprāptir ayuktā // (21) Par.?
tatra tathā dvitīyādyavasthāprāptau jñānākaluṣatvādayo 'dhikāritvāpādakāḥ tathā prathamāvasthāprāptau ko hetur ity ucyate // (22) Par.?
atrāpi kāraṇaviśeṣotpāditā dīkṣā hetuḥ // (23) Par.?
yatas tatkāraṇapratipādanārtham idam āha // (24.1) Par.?
Duration=0.04561185836792 secs.