Texts

Help

Select a text:
Bibliography
Select a chapter:
 (no revisions)
Associated topic(s): arghya

Show parallels  Show headlines
Use dependency labeler
Chapter id: 15379
  • Click on a sentence to show its analysis
  • Keep the mouse pointer over a lemma to show its meanings.
ṣaḍ arghyārhā bhavantyṛtvig ācāryo vivāhyo rājā snātakaḥ priyaśceti // (1.1) Par.?
aprākaraṇikān vā parisaṃvatsarād arhayanti // (2.1) Par.?
prākaraṇikāḥ kartāraḥ sadasyāśca vṛtāḥ // (3.1) Par.?
na jīvatpitṛko 'rghyaṃ pratigṛhṇīyād iti śrutir athavā pratigṛhṇīyāt // (4.1) Par.?
athainam arhayanti // (5.1) Par.?
kāṃsye camase vā dadhi madhu cānīya varṣīyasāpidhāyācamanīyaprathamaiḥ pratipadyante // (6.1) Par.?
virājo doho 'si virājo dohamaśīya mayi dohaḥ padyāyai virājaḥ kalpatām ity ekaikam āhriyamāṇaṃ pratīkṣate // (7.1) Par.?
sāvitreṇa viṣṭaraṃ pratigṛhya / (8.1) Par.?
ahaṃ varṣma sadṛśānām udyatāmiva sūryaḥ / (8.2) Par.?
idaṃ tam abhitiṣṭhāmi yo mā kaścābhidāsati / (8.3) Par.?
iti japati // (8.4) Par.?
rāṣṭrabhṛd asīty ācārya āsandīm anumantrayate // (9.1) Par.?
mā tvā doṣa ity adhastāt pādayor viṣṭaram upakarṣati // (10.1) Par.?
viṣṭara āsīnāyaikaikaṃ triḥ prāha // (11.1) Par.?
naiva bho ityāha nama ārṣeyāyeti śrutiḥ spṛśatyarghyam // (12.1) Par.?
pādyena pādau prakṣālya sāvitreṇa madhuparkaṃ pratigṛhya pratiṣṭhāpyāvasāyya namo rudrāya pātrasade namo rudrāya pātrasada iti prādeśenādhyadhi pratidiśaṃ pradakṣiṇaṃ sarvato 'bhyuddiśati // (13.1) Par.?
madhu vātā ṛtāyata iti tisṛbhiraṅgulyā pradakṣiṇaṃ pratyṛcaṃ trirāyauti // (14.1) Par.?
amṛtopastaraṇam asīty upastarati // (15.1) Par.?
satyaṃ yaśaḥ śrīr mayi śrīḥ śrayatāmiti madhuparkaṃ triḥ prāśnāti // (16.1) Par.?
amṛtāpidhānam asīty ācāmati // (17.1) Par.?
suhṛde 'vaśiṣṭaṃ prayacchati // (18.1) Par.?
asipāṇir gāṃ prāha // (19.1) Par.?
hato me pāpmā pāpmānaṃ me hata oṃ kuruteti preṣyati // (20.1) Par.?
caturo brāhmaṇānnānāgotrān bhojayate // (21.1) Par.?
paśvaṅgaṃ pāyasaṃ vā kārayen nāmāṃso madhuparka iti śrutiḥ // (22.1) Par.?
yadyutsṛjet / (23.1) Par.?
mātā rudrāṇāṃ duhitā vasūnāṃ svasādityānāmamṛtasya nābhiḥ / (23.2) Par.?
pra nu vocaṃ cikituṣe janāya mā gāmanāgāmaditiṃ vadhiṣṭa / (23.3) Par.?
bhūr bhuvaḥ svar om utsṛjatu tṛṇānyattu // (23.4) Par.?
alaṃkaraṇa
athālaṃkaraṇam alaṃkaraṇam asi sarvasmā alaṃ me bhūyāsam // (24.1) Par.?
prāṇāpānau me tarpaya samānavyānau me tarpaya udānarūpe me tarpaya sucakṣā ahamakṣibhyāṃ bhūyāsaṃ suvarcā mukhena suśrutkarṇābhyāṃ bhūyāsamiti yathāliṅgam aṅgāni saṃspṛśati // (25.1) Par.?
atha gandhotsadane vāsasī // (26.1) Par.?
paridhāsye yaśo dhāsye dīrghāyutvāya jaradaṣṭir astu / (27.1) Par.?
śataṃ jīvema śaradaḥ purūcī rāyaspoṣam abhisaṃvyayiṣye / (27.2) Par.?
yaśasā mā dyāvāpṛthivī yaśasendrābṛhaspatī / (27.3) Par.?
yaśo bhagaśca mā riṣad yaśo mā pratimucyatām / (27.4) Par.?
ityahataṃ vāsaḥ paridhatte // (27.5) Par.?
kumāryāḥ pramadane bhagam aryamaṇaṃ pūṣaṇaṃ tvaṣṭāramiti yajati // (28.1) Par.?
prāksviṣṭakṛtaś catasro 'vidhavā nandīr upavādayanti // (29.1) Par.?
abhyantare kautuke devapatnīr yajati // (30.1) Par.?
Duration=0.070226907730103 secs.