Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): sthālīpāka
Show parallels Show headlines
Use dependency labeler
Chapter id: 14326
- Click on a sentence to show its analysis
- Keep the mouse pointer over a lemma to show its meanings.
prāgudañcaṃ lakṣaṇam uddhatyāvokṣya sthaṇḍilaṃ gomayenopalipya maṇḍalaṃ caturasraṃ vāgniṃ nirmathyābhimukhaṃ praṇayet // (1) Par.?
darbhāṇāṃ pavitre mantravadutpādyāgneyaṃ sthālīpākaṃ śrapayati // (2) Par.?
pavitrāntarhite 'pa ānīya taṇḍulānopya mekṣaṇena pradakṣiṇaṃ paryāyuvañjīvataṇḍulaṃ śrapayati // (3) Par.?
ghṛtenānutpūtena navanītena votpūtena śṛtamabhighāryottarata udvāsayati // (4) Par.?
imaṃ stomamarhata ityagniṃ parisamuhya paryukṣya paristīrya paścād agner ekavad barhiḥ stṛṇāti // (5) Par.?
udakprāktūlāndarbhānprakṛṣya dakṣiṇāṃstathottarānagreṇāgniṃ dakṣiṇairuttarānavastṛṇāti // (6) Par.?
dakṣiṇato'gnerbrahmaṇe saṃstṛṇātyaparaṃ yajamānāya paścārdhe patnyai // (7) Par.?
uttarataḥ saṃstīrṇe pavitre sruksruvāvājyasthālīṃ prakṣālya saṃstīrṇe dve dve prayunakti // (8) Par.?
tūṣṇīṃ dakṣiṇata ājyaṃ nirūpya mantravatparyagniṃ kṛtvā tūṣṇīṃ sruksruvau saṃmṛjyādabdhena tvā cakṣuṣāvekṣa iti patnyājyamavekṣate // (9) Par.?
tūṣṇīm adhiśrityopādhiśritya paścādagnerupasādya mantravad utpūyāvekṣate // (10) Par.?
tejo 'sītyājyaṃ yajamāno 'vekṣate // (11) Par.?
ājyasthālyāṃ sruvaṃ nidhāyāgreṇa sthālīpākam anvāyātayatyapareṇa mekṣaṇam // (12) Par.?
tūṣṇīṃ prāñcamidhmamupasamādhāya brahmāṇamāmantrya oṃ juhudhītyukte dakṣiṇena hastenāntareṇa jānunī prāṅāsīna āghārau juhoti prājāpatyamuttarārdhe prāñcaṃ manasaindraṃ dakṣiṇārdhe prāñcameva // (13) Par.?
athājyabhāgau juhotyāgneyamuttarārdhe saumyaṃ dakṣiṇārdhe samāvanakṣṇau // (14) Par.?
yukto vaha yadākūtam iti dvābhyāmagniṃ yojayitvā nakṣatramiṣṭvā nakṣatradevatāṃ yajet tithiṃ tithidevatām ṛtum ṛtudevatāṃ ca // (15) Par.?
upastīryāpa upaspṛśya mekṣaṇena sthālīpākasyāvadyati madhyāt pūrvārdhād dvitīyaṃ paścārdhāttṛtīyaṃ yadi pañcāvadānasya // (16) Par.?
avattamabhighārya sthālīpākaṃ pratyabhighārayati // (17) Par.?
agnaye svāheti madhye juhoti // (18) Par.?
yo devānāmasīti raudrasya // (19) Par.?
jayānhutvājyasya sviṣṭakṛte samavadyatyuttarārddhāt sakṛd dvimātram / (20.1) Par.?
dvirvā yadi pañcāvadānasya // (20.2) Par.?
avattaṃ dvirabhighārya nāta ūrdhvaṃ sthālīpākaṃ pratyabhighārayati // (21) Par.?
agnaye sviṣṭakṛte svāhety asaṃsaktam uttarārdhapūrvārdhe juhoti // (22) Par.?
mekṣaṇaṃ darbhāṃś cādhāyānumatibhyāṃ vyāhṛtibhiśca tvaṃ no agne sa tvaṃ no agne ayāś cāgne 'sīty etābhirjuhuyāt // (23) Par.?
vi te muñcāmi raśanāṃ vi raśmīniti ca hutvā pavitre 'nuprahṛtyājyenābhijuhoti // (24) Par.?
edho'syedhiṣīmahīti samidhamādadhāti samidasi samedhiṣīmahīti dvitīyām // (25) Par.?
apo adyānvacāriṣamityupatiṣṭhate // (26) Par.?
āpohiṣṭhīyābhirmārjayet // (27) Par.?
pūrṇapātram dakṣiṇā // (28) Par.?
barhiranupraharati // (29) Par.?
etena sthālīpākena sthālīpākāḥ sarve vyākhyātāḥ // (30) Par.?
Duration=0.066778898239136 secs.