Texts

athādhyātmam / (1.1) Par.?

vāg evark / (1.2) Par.?

prāṇaḥ sāma / (1.3) Par.?

tad etad etasyām ṛcy adhyūḍhaṃ sāma / (1.4) Par.?

tasmād ṛcy adhyūḍhaṃ sāma gīyate / (1.5) Par.?

vāg eva sā / (1.6) Par.?

prāṇo 'maḥ / (1.7) Par.?

tat sāma // (1.8) Par.?

cakṣur evark / (2.1) Par.?

ātmā sāma / (2.2) Par.?

tad etad etasyām ṛcy adhyūḍhaṃ sāma / (2.3) Par.?

tasmād ṛcy adhyūḍhaṃ sāma gīyate / (2.4) Par.?

cakṣur eva sā / (2.5) Par.?

ātmāmaḥ / (2.6) Par.?

tat sāma // (2.7) Par.?

śrotram evark / (3.1) Par.?

manaḥ sāma / (3.2) Par.?

tad etad etasyām ṛcy adhyūḍhaṃ sāma / (3.3) Par.?

tasmād ṛcy adhyūḍhaṃ sāma gīyate / (3.4) Par.?

śrotram eva sā / (3.5) Par.?

mano 'maḥ / (3.6) Par.?

tat sāma // (3.7) Par.?

atha yad etad akṣṇaḥ śuklaṃ bhāḥ saivark / (4.1) Par.?

atha yan nīlaṃ paraḥkṛṣṇaṃ tat sāma / (4.2) Par.?

tad etad etasyām ṛcy adhyūḍhaṃ sāma / (4.3) Par.?

tasmād ṛcy adhyūḍhaṃ sāma gīyate / (4.4) Par.?

atha yad evaitad akṣṇaḥ śuklaṃ bhāḥ saiva sā / (4.5) Par.?

atha yan nīlaṃ paraḥkṛṣṇaṃ tad amaḥ / (4.6) Par.?

tat sāma // (4.7) Par.?

atha ya eṣo 'ntar akṣiṇi puruṣo dṛśyate saivark / (5.1) Par.?

tat sāma / (5.2) Par.?

tad uktham / (5.3) Par.?

tad yajuḥ / (5.4) Par.?

tad brahma / (5.5) Par.?

tasya etasya tad eva rūpaṃ yad amuṣya rūpam / (5.6) Par.?

yāv amuṣya geṣṇau tau tau geṣṇau / (5.7) Par.?

yan nāma tan nāma // (5.8) Par.?

sa eṣa ye caitasmād arvāñco lokās teṣāṃ ceṣṭe manuṣyakāmānāṃ ceti / (6.1) Par.?

tad ya ime vīṇāyāṃ gāyanty etaṃ te gāyanti / (6.2) Par.?

tasmāt te dhanasanayaḥ // (6.3) Par.?

atha ya etad evaṃ vidvān sāma gāyaty ubhau sa gāyati / (7.1) Par.?

so 'munaiva sa eṣa ye cāmuṣmāt parāñco lokās tāṃś cāpnoti devakāmāṃś ca // (7.2) Par.?

athānenaiva ye caitasmād arvāñco lokās tāṃś cāpnoti manuṣyakāmāṃś ca / (8.1) Par.?

tasmād u haivaṃvid udgātā brūyāt // (8.2) Par.?

kaṃ te kāmam āgāyānīti / (9.1) Par.?

eṣa hy eva kāmāgānasyeṣṭe ya evaṃ vidvān sāma gāyati sāma gāyati // (9.2) Par.?