Texts

sattvenābhibhūte yadā rajastamasī ahaṃkāre bhavatas tadā so 'haṃkāraḥ sāttvikaḥ / (1.1) Par.?

tasya ca pūrvācāryaiḥ saṃjñā kṛtā vaikṛta iti / (1.2) Par.?

tasmād vaikṛtād ahaṃkārād ekādaśaka indriyagaṇa utpadyate / (1.3) Par.?

tasmāt sāttvikāni viśuddhānīndriyāṇi svaviṣayasamarthāni / (1.4) Par.?

tasmād ucyate sāttvika ekādaśaka iti / (1.5) Par.?

kiṃ cānyad bhūtādestanmātraḥ sa tāmasaḥ / (1.6) Par.?

tāmasābhibhūte sattvarajasī ahaṃkāre yadā bhavataḥ so 'haṃkāras tāmasa ucyate / (1.7) Par.?

tasya pūrvācāryakṛtā saṃjñā bhūtādiḥ / (1.8) Par.?

tasmād bhūtāder ahaṃkārāt tanmātraḥ pañcako gaṇa utpadyate / (1.9) Par.?

bhūtānām ādibhūtas tamobahulas tenoktaḥ sa tāmasa iti / (1.10) Par.?

tasmād bhūtādeḥ pañcatanmātrako gaṇaḥ / (1.11) Par.?

kiṃ ca taijasād ubhayam / (1.12) Par.?

yadā rajasābhibhūte sattvatamasī bhavatas tadā tasmāt so 'haṃkārastaijasam iti saṃjñāṃ labhate / (1.13) Par.?

tasmāt taijasād ubhayam utpadyata ubhayam ityekādaśo gaṇastanmātraḥ pañcakaḥ / (1.14) Par.?

yo 'yaṃ sāttviko 'haṃkāro vaikṛtiko vaikṛto bhūtvaikādaśendriyāṇyutpādayati sa taijasam ahaṃkāraṃ sahāyaṃ gṛhṇāti / (1.15) Par.?

sāttviko niṣkriyaḥ sa taijasayukta indriyotpattau samarthaḥ / (1.16) Par.?

tathā tāmaso 'haṃkāro bhūtādisaṃjñito niṣkriyatvāt taijasenāhaṃkāreṇa kriyāvatā yuktastanmātrāṇyutpādayati / (1.17) Par.?

tenoktaṃ taijasād ubhayam iti / (1.18) Par.?

evaṃ taijasenāhaṃkāreṇendriyāṇyekādaśa pañca tanmātrāṇi kṛtāni bhavanti / (1.19) Par.?

sāttvika ekādaśaka ityuktaḥ / (1.20) Par.?

yo vaikṛtāt sāttvikād ahaṃkārād utpadyate tasya kā saṃjñetyāha // (1.21) Par.?