Texts

Help

Select a text:
Bibliography
Select a chapter:
 (no revisions)
Associated topic(s): Pashupata Shaivism

Show parallels  Show headlines
Use dependency labeler
Chapter id: 1214
  • Click on a sentence to show its analysis
  • Keep the mouse pointer over a lemma to show its meanings.
ārṣatvād vā yathāśrute 'py adoṣaḥ // (1) Par.?
guruḥ pūrvoktas tadājñayāvatiṣṭhamānas tadāśrito bhavati yathā grāmaṇyam āśrito grāma iti // (2) Par.?
tatrādidharmāvasthasya tāvadāyatane vāsa ityatrāyatanaśabdo gurāv eva draṣṭavyo liṅgakartetyādijñāpakādupacārād vā pañcaśabdavat // (3) Par.?
yadyapyāyatanasūtre pratiṣedhaḥ śrūyate tathāpi deśaprastāve gururabhipreta evācāryo loka ityādi jñāpakābhyanujñānāt // (4) Par.?
ata eva gūḍhavratopadeśādāyatane vāsa ityatrāyatanaśabdo jane vivakṣito maryādayāyatanāditi kṛtvā baddhasya rudrasya hi śivāyatanavāsānupapatteḥ // (5) Par.?
yadāpi vāsastadāpi janādhīna evetyato dvitīyāvasthasya jana eva deśaḥ // (6) Par.?
janaśabdenātra dharmādharmajananādhikṛtā varṇāśramino 'bhidhīyanta iti // (7) Par.?
tṛtīyāvasthasya guhā deśaḥ // (8) Par.?
guhāgrahaṇaṃ sūtrārthopalakṣaṇārtham ataḥ śūnyāgāraguhayoranyataraṃ vyāsaṅgādidoṣavarjitaṃ yatprāpyate tatra vastavyam // (9) Par.?
deśagrahaṇaṃ tatrāvasthānamātreṇa guhāyā deśatvajñāpanārthaṃ na tu gurujanavat tadāyattatveneti // (10) Par.?
caturthāvasthasya śmaśānadeśaḥ // (11) Par.?
śmaśānaṃ ca prasiddhameva grāhyam // (12) Par.?
tasya ca na guhāvaddeśatvaṃ kiṃ tv ā dehapātāt tatraivānirgacchatā stheyam ityayaṃ viśeṣaḥ // (13) Par.?
pañcamāvasthasya deśo rudraḥ // (14) Par.?
rudro bhagavānmaheśvaraḥ // (15) Par.?
prāgapi rudrāyattatvāt sādhakasya rudro'styeva deśastathāpi prāganyavyapadeśo 'pyasti sāmprataṃ punaḥ śarīrādirahitasya sarvadeśavikalatvād avadhāraṇaṃ karoti rudra eveti // (16) Par.?
caśabdo nyūnādhikavyavacchedaka iti // (17) Par.?
atha kimetaddeśāvasthitimātreṇaivaite lābhāḥ prāpyante kalpavṛkṣadeśāvasthitivat // (18) Par.?
ucyate // (19) Par.?
na // (20) Par.?
kiṃ tarhi deśabhedavadupāyabhedo 'pyasti // (21) Par.?
yatas tatpratipādanārtham āha // (22) Par.?
Duration=0.03932785987854 secs.