Texts

Help

Select a text:
Bibliography
Select a chapter:
 (no revisions)
Associated topic(s): Logic, Nyāya

Show parallels  Show headlines
Use dependency labeler
Chapter id: 7164
  • Click on a sentence to show its analysis
  • Keep the mouse pointer over a lemma to show its meanings.
1 parallel or similar passage(s) in this chapter
anubandhacatuṣṭayaprakaraṇam
pramāṇaprameyasaṃśayaprayojanadṛṣṭāntasiddhāntāvayavatarkanirṇayavādajalpavitaṇḍāhetvābhāsacchalajātinigrahasthānānām tattvajñānāt niḥśreyasādhigamaḥ // (1.0) Par.?
duḥkhajanmapravṛttidoṣamithyājñānānām uttarottarāpāye tadanantarāpāyāt apavargaḥ // (2.0) Par.?
pramāṇaprakaraṇam
pratyakṣānumānopamānaśabdāḥ pramāṇāni // (3.0) Par.?
indriyārthasannikarṣotpannaṃ jñānam avyapadeśyam avyabhicāri vyavasāyātmakaṃ pratyakṣam // (4.0) Par.?
atha tatpūrvakaṃ trividham anumānaṃ pūrvavat śeṣavat sāmānyatodṛṣṭaṃ ca // (5.0) Par.?
prasiddhasādharmyāt sādhyasādhanam upamānam // (6.0) Par.?
āptopadeśaḥ śabdaḥ // (7.0) Par.?
so dvividho dṛṣṭādṛṣṭārthatvāt // (8.0) Par.?
prameyaprakaraṇam
ātmaśarīrendriyārthabuddhimanaḥpravṛttidoṣapretyabhāvaphaladuḥkhāpavargāḥ tu prameyam // (9.0) Par.?
icchādveṣaprayatnasukhaduḥkhajñānāni ātmano liṅgam iti // (10.0) Par.?
ceṣṭendriyārthāśrayaḥ śarīram // (11.0) Par.?
ghrāṇarasanacakṣustvakśrotrāṇīndriyāṇi bhūtebhyaḥ // (12.0) Par.?
pṛthivī āpaḥ tejo vāyurākāśam iti bhūtāni // (13.0) Par.?
gandharasarūpasparśaśabdāḥ pṛthivyādiguṇāḥ tadarthāḥ // (14.0) Par.?
buddhirupalabdhir jñānam iti anarthāntaram // (15.0) Par.?
yugapat jñānānutpattir manaso liṅgam // (16.0) Par.?
yugapaj jñānānutpattir manaso liṅgam / (MṛgṬīkā zu MṛgT, Vidyāpāda, 12, 9.2, 2, 2) [0]
pravṛttir vāgbuddhiśarīrārambhaḥ // (17.0) Par.?
pravartanālakṣaṇāḥ doṣāḥ // (18.0) Par.?
punarutpattiḥ pretyabhāvaḥ // (19.0) Par.?
pravṛttidoṣajanitaḥ arthaḥ phalam // (20.0) Par.?
bādhanālakṣaṇam duḥkham // (21.0) Par.?
tadatyantavimokṣaḥ apavargaḥ // (22.0) Par.?
nyāyapūrvāṅgalakṣaṇaprakaraṇam
samānānekadharmopapatteḥ vipratipatteḥ upalabdhyanupalabdhyavyavasthātaśca viśeṣāpekṣo vimarśaḥ saṃśayaḥ // (23.0) Par.?
yam artham adhikṛtya pravartate tat prayojanam // (24.0) Par.?
laukikaparīkṣakāṇāṃ yasmin arthe buddhisāmyaṃ so dṛṣṭāntaḥ // (25.0) Par.?
nyāyāśrayasiddhāntalakṣaṇaprakaraṇam
tantrādhikaraṇābhyupagamasaṃsthitiḥ siddhāntaḥ // (26.0) Par.?
saścaturvidhaḥ sarvatantrapratitantrādhikaraṇābhyupagamasaṃsthityarthāntarabhāvāt // (27.0) Par.?
sarvatantrāviruddhaḥ tantre adhikṛtaḥ arthaḥ sarvatantrasiddhāntaḥ // (28.0) Par.?
samānatantrasiddhaḥ paratantrāsiddhaḥ pratitantrasiddhāntaḥ // (29.0) Par.?
yatsiddhau anyaprakaraṇasiddhiḥ saḥ adhikaraṇasiddhāntaḥ // (30.0) Par.?
aparīkṣitābhyupagamāt tadviśeṣaparīkṣaṇam abhyupagamasiddhāntaḥ // (31.0) Par.?
nyāyaprakaraṇam
pratijñāhetūdāharaṇopanayanigamanāni avayavāḥ // (32.0) Par.?
sādhyanirdeśaḥ pratijñā // (33.0) Par.?
udāharaṇasādharmyāt sādhyasādhanaṃ hetuḥ // (34.0) Par.?
tathā vaidharmyāt // (35.0) Par.?
sādhyasādharmyāt taddharmabhāvī dṛṣṭāntaḥ udāharaṇam // (36.0) Par.?
tadviparyayāt vā viparītam // (37.0) Par.?
udāharaṇāpekṣaḥ tathā iti upasaṃhāro na tathā iti vā sādhyasya upanayaḥ // (38.0) Par.?
hetvapadeśāt pratijñāyāḥ punarvacanaṃ nigamanam // (39.0) Par.?
nyāyottarāṅgaprakaraṇam
avijñātatattve arthe kāraṇopapattitaḥ tattvajñānārtham ūhaḥ tarkaḥ // (40.0) Par.?
vimṛśya pakṣapratipakṣābhyām arthāvadhāraṇaṃ nirṇayaḥ // (41.0) Par.?
Duration=0.085416078567505 secs.