Texts

havirarhān upaveśya // (1) Par.?

pitṝn āvāhayiṣyāmīty uktvā // (2) Par.?

apayantv asurā iti dvābhyāṃ tilaiḥ sarvato 'vakīrya // (3) Par.?

eta pitara āgacchata pitara ā me yantv antardadhe parvatair iti japitvā // (4) Par.?

yās tiṣṭhanty amṛtā vāg yan me mātety ayugbhyaḥ pādyam ānīya // (5) Par.?

udakāni cānayed etābhir eva // (6) Par.?

ādityā rudrā vasava ity etān samīkṣya // (7) Par.?

agnau karavāṇīty uktvā // (8) Par.?

agniṃ paristīrya somāya pitṛmate svadhā namo 'gnaye kavyavāhanāya svadhā nama ity agnau hutvā // (9) Par.?

ye māmakāḥ pitara etad vaḥ pitaro 'yaṃ yajña iti tisṛbhiḥ kalpitānnam abhimṛśati // (10) Par.?

eṣā va ūrg āmāsu pakvam iti kṣīraṃ ghṛtaṃ vāsicya // (11) Par.?

amuṣmai svadhā namo 'muṣmai svadhā nama iti yathāliṅgam anumantrya bhojayet // (12) Par.?

prāśnantu bhavanta ity uktvā yan me prakāmād iti bhuñjānān samīkṣyāhorātrair yad vaḥ kravyāt svadhāṃ vahadhvam iti caitābhiḥ // (13) Par.?

pṛthivī darvir iti niparaṇaṃ kuryāt // (14) Par.?

ye 'tra pitaraḥ pretā iti vāsāṃsi nidadhyāt // (15) Par.?

ūrjaṃ vahantīr ity apaḥ pariṣicya // (16) Par.?

mā me kṣeṣṭheti satṛṇam annam abhyukṣya // (17) Par.?

viṣadam annam ānīya kaccit sampannaṃ bho iti uktvā tṛpyantu bhavanta ity uktvā // (18) Par.?

tṛptān ācāmayitvā yan me rāma iti pradakṣiṇaṃ kṛtvā // (19) Par.?

pratyetyābhiramantu bhavanta ity uktvā devāś ca pitaraś cety anuvākaśeṣeṇopatiṣṭhate // (20) Par.?