UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5899
- Click on a sentence to show its analysis
- Keep the mouse pointer over a lemma to show its meanings.
avyaktaṃ prakhyātaṃ kāraṇam asti yasmānmahadādi liṅgaṃ pravartate / (1.1)
Par.?
triguṇataḥ triguṇāt / (1.2)
Par.?
sattvarajastamoguṇā yasmiṃstat triguṇam / (1.3)
Par.?
tat kim uktaṃ bhavati sattvarajastamasāṃ sāmyāvasthā pradhānam / (1.4)
Par.?
tathā samudayāt / (1.5)
Par.?
yathā gaṅgāsrotāṃsi trīṇi rudramūrdhani patitānyekaṃ sroto janayantyevaṃ triguṇam avyaktam ekaṃ vyaktaṃ janayati / (1.6)
Par.?
yathā vā tantavaḥ samuditāḥ paṭaṃ janayantyevam avyaktaṃ guṇasamudayān mahadādi janayatīti triguṇataḥ samudayācca vyaktaṃ jagat pravartate / (1.7)
Par.?
yasmād ekasmāt pradhānād vyaktaṃ tasmād ekarūpeṇa bhavitavyam / (1.8)
Par.?
naiṣa doṣaḥ pariṇāmataḥ salilavat pratipratiguṇāśrayaviśeṣāt / (1.9)
Par.?
ekasmāt pradhānāt trayo lokāḥ samutpannāstulyabhāvā na bhavanti / (1.10)
Par.?
devāḥ sukhena yuktā manuṣyā duḥkhena tiryañco mohena / (1.11)
Par.?
ekasmāt pradhānāt pravṛttaṃ vyaktaṃ pratipratiguṇāśrayaviśeṣāt pariṇāmataḥ salilavad bhavati / (1.12)
Par.?
pratipratīti vīpsā / (1.13)
Par.?
guṇānām āśrayo guṇāśrayaḥ / (1.14)
Par.?
tadviśeṣastaṃ guṇāśrayaviśeṣaṃ pratinidhāya pratipratiguṇāśrayaviśeṣaṃ pariṇāmāt pravartate vyaktam / (1.15)
Par.?
yathākāśād ekarasaṃ salilaṃ patitaṃ nānārūpāt saṃśleṣād bhidyate tattadrasāntaraiḥ / (1.16)
Par.?
evam ekasmāt pradhānāt pravṛttās trayo lokā naikasvabhāvā bhavanti / (1.17)
Par.?
deveṣu sattvam utkaṭaṃ rajastamasī udāsīne tena te 'tyantasukhinaḥ / (1.18)
Par.?
manuṣyeṣu raja utkaṭaṃ bhavati sattvatamasī udāsīne tena te 'tyantaduḥkhinaḥ / (1.19)
Par.?
tiryakṣu tama utkaṭaṃ bhavati sattvarajasī udāsīne tena te 'tyantamūḍhāḥ / (1.20)
Par.?
evam āryādvayena pradhānasyāstitvam abhyupagamyate / (1.21) Par.?
itaścottaraṃ puruṣāstitvapratiprapādanārtham āha // (1.22)
Par.?
Duration=0.057211875915527 secs.