Texts

adhyavasāyo buddhilakṣaṇam / (1.1) Par.?

adhyavasānam adhyavasāyaḥ / (1.2) Par.?

yathā bīje bhaviṣyadvṛttiko 'ṅkuras tadvad adhyavasāyaḥ / (1.3) Par.?

ayaṃ ghaṭo 'yaṃ paṭa ityevaṃ sati yā sā buddhir iti lakṣyate / (1.4) Par.?

sā ca buddhir aṣṭāṅgikā sāttvikatāmasarūpabhedāt / (1.5) Par.?

tatra buddheḥ sāttvikaṃ rūpaṃ caturvidhaṃ bhavati dharmo jñānaṃ vairāgyam aiśvaryaṃ ceti / (1.6) Par.?

tatra dharmo nāma dayādānayamaniyamalakṣaṇaḥ / (1.7) Par.?

tatra yamā niyamāśca pātañjale 'bhihitāḥ / (1.8) Par.?

ahiṃsāsatyāsteyabrahmacaryāparigrahā yamāḥ / (1.9) Par.?

śaucasaṃtoṣatapaḥsvādhyāyeśvarapraṇidhānāni niyamāḥ / (1.10) Par.?

jñānaṃ prakāśo 'vagamo bhānam iti paryāyāḥ / (1.11) Par.?

tacca dvividhaṃ bāhyam ābhyantaraṃ ceti / (1.12) Par.?

tatra bāhyaṃ nāma vedāḥ śikṣākalpavyākaraṇaniruktachandojyotiṣākhyaṣaḍaṅgasahitāḥ purāṇāni nyāyamīmāṃsādharmaśāstrāṇi ceti / (1.13) Par.?

ābhyantaraṃ prakṛtipuruṣajñānam / (1.14) Par.?

iyaṃ prakṛtiḥ sattvarajastamasāṃ sāmyāvasthāyaṃ puruṣaḥ siddho nirguṇo vyāpī cetana iti / (1.15) Par.?

tatra bāhyajñānena lokapaṅktir lokānurāga ityarthaḥ / (1.16) Par.?

ābhyantareṇa jñānena mokṣa ityarthaḥ / (1.17) Par.?

vairāgyam api dvividhaṃ bāhyam ābhyantaraṃ ca / (1.18) Par.?

bāhyaṃ dṛṣṭaviṣayavaitṛṣṇyam arjanarakṣaṇakṣayasaṅgahiṃsādoṣadarśanād viraktasya / (1.19) Par.?

ābhyantaraṃ pradhānam apyatra svapnendrajālasadṛśam iti viraktasya mokṣepsoryad utpadyate / (1.20) Par.?

tad ābhyantaraṃ vairāgyam / (1.21) Par.?

aiśvaryam īśvarabhāvaḥ / (1.22) Par.?

taccāṣṭaguṇam aṇimā mahimā garimā laghimā prāptiḥ prākāmyam īśitvaṃ vaśitvaṃ yatrakāmāvasāyitvaṃ ceti / (1.23) Par.?

aṇor bhāvo 'ṇimā sūkṣmo bhūtvā jagati vicaratīti / (1.24) Par.?

mahimā mahān bhūtvā vicaratīti / (1.25) Par.?

laghimā mṛṇālītūlāvayavād api laghutayā puṣpakesarāgreṣvapi tiṣṭhati / (1.26) Par.?

prāptir abhimataṃ vastu yatra tatrāvasthitaṃ prāpnoti / (1.27) Par.?

prākāmyaṃ prakāmato yad evecchati tad eva vidadhāti / (1.28) Par.?

īśitvaṃ prabhutayā trailokyam apīṣṭe / (1.29) Par.?

vaśitvaṃ sarvaṃ vaśībhavati / (1.30) Par.?

yatrakāmāvasāyitvaṃ brahmādistambaparyantaṃ yatra kāmastatraivāsya svecchayā sthānāsanavihārān ācaratīti / (1.31) Par.?

catvāryetāni buddheḥ sāttvikāni rūpāṇi / (1.32) Par.?

yadā sattvena rajastamasī abhibhūte tadā pumān buddhiguṇān dharmādīn āpnoti / (1.33) Par.?

kiṃ cānyat tāmasam asmād viparyastam / (1.34) Par.?

asmād dharmāder viparītaṃ tāmasaṃ buddhirūpam / (1.35) Par.?

tatra dharmād viparīto 'dharmaḥ / (1.36) Par.?

evam ajñānam avairāgyam anaiśvaryam iti / (1.37) Par.?

evaṃ sāttvikaistāmasaiḥ svarūpair aṣṭāṅgā buddhistriguṇād avyaktād utpadyate / (1.38) Par.?

evaṃ buddhilakṣaṇam uktam ahaṃkāralakṣaṇam ucyate // (1.39) Par.?