Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): om, oṃ, oṃkāra, udgītha
Show parallels Show headlines
Use dependency labeler
Chapter id: 7320
- Click on a sentence to show its analysis
- Keep the mouse pointer over a lemma to show its meanings.
om ity etad akṣaram udgītham upāsīta / (1.1) Par.?
om iti hy udgāyati / (1.2) Par.?
tasyopavyākhyānam // (1.3) Par.?
eṣāṃ bhūtānāṃ pṛthivī rasaḥ / (2.1) Par.?
pṛthivyā āpo rasaḥ / (2.2) Par.?
apām oṣadhayo rasaḥ / (2.3) Par.?
oṣadhīnāṃ puruṣo rasaḥ / (2.4) Par.?
puruṣasya vāg rasaḥ / (2.5) Par.?
vāca ṛg rasaḥ / (2.6) Par.?
ṛcaḥ sāma rasaḥ / (2.7) Par.?
sāmna udgītho rasaḥ // (2.8) Par.?
sa eṣa rasānāṃ rasatamaḥ paramaḥ parārdhyo 'ṣṭamo yadudgīthaḥ // (3.1) Par.?
katamā katamark katamat katamat sāma katamaḥ katama udgītha iti vimṛṣṭaṃ bhavati // (4.1) Par.?
vāg evark / (5.1) Par.?
prāṇaḥ sāma / (5.2) Par.?
om ity etad akṣaram udgīthaḥ / (5.3) Par.?
tad vā etan mithunaṃ yad vāk ca prāṇaś cark ca sāma ca // (5.4) Par.?
tad etan mithunam om ity etasminn akṣare saṃsṛjyate / (6.1) Par.?
yadā vai mithunau samāgacchata āpayato vai tāv anyonyasya kāmam // (6.2) Par.?
āpayitā ha vai kāmānāṃ bhavati ya etad evaṃ vidvān akṣaram udgītham upāste // (7.1) Par.?
tad vā etad anujñākṣaram / (8.1) Par.?
yaddhi kiṃcānujānāty om ity eva tad āha / (8.2) Par.?
eṣa eva samṛddhir yad anujñā / (8.3) Par.?
samardhayitā ha vai kāmānāṃ bhavati ya etad evaṃ vidvān akṣaram udgītham upāste // (8.4) Par.?
teneyaṃ trayī vidyā vartate / (9.1) Par.?
om ity āśrāvayati / (9.2) Par.?
om iti śaṃsati / (9.3) Par.?
om ity udgāyati / (9.4) Par.?
etasyaiva akṣarasyāpacityai mahimnā rasena // (9.5) Par.?
tenobhau kurutaḥ / (10.1) Par.?
yaś caitad evaṃ veda yaś ca na veda / (10.2) Par.?
nānā tu vidyā cāvidyā ca / (10.3) Par.?
yad eva vidyayā karoti śraddhayopaniṣadā tad eva vīryavattaraṃ bhavatīti khalv etasyaivākṣarasyopavyākhyānaṃ bhavati // (10.4) Par.?
Duration=0.083544015884399 secs.