Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): om, oṃ, oṃkāra, war and rivalry of Devas and Asuras
Show parallels Show headlines
Use dependency labeler
Chapter id: 7321
- Click on a sentence to show its analysis
- Keep the mouse pointer over a lemma to show its meanings.
devāsurā ha vai yatra saṃyetire ubhaye prājāpatyās taddha devā udgītham ājahrur anenainān abhibhaviṣyāma iti // (1) Par.?
te ha nāsikyaṃ prāṇam udgītham upāsāṃcakrire / (2.1) Par.?
taṃ ha asurāḥ pāpmanā vividhuḥ / (2.2) Par.?
tasmāt tenobhayaṃ jighrati surabhi ca durgandhi ca / (2.3) Par.?
pāpmanā hy eṣa viddhaḥ // (2.4) Par.?
atha ha vācam udgītham upāsāṃcakrire / (3.1) Par.?
tāṃ hāsurāḥ pāpmanā vividhuḥ / (3.2) Par.?
tasmāt tayobhayaṃ vadati satyaṃ cānṛtaṃ ca / (3.3) Par.?
pāpmanā hy eṣā viddhā // (3.4) Par.?
atha ha cakṣur udgītham upāsāṃcakrire / (4.1) Par.?
taddhāsurāḥ pāpmanā vividhuḥ / (4.2) Par.?
tasmāt tenobhayaṃ paśyati darśanīyaṃ cādarśanīyaṃ ca / (4.3) Par.?
pāpmanā hy etad viddham // (4.4) Par.?
atha ha śrotram udgītham upāsāṃcakrire / (5.1) Par.?
taddhāsurāḥ pāpmanā vividhuḥ / (5.2) Par.?
tasmāt tenobhayaṃ śṛṇoti śravaṇīyaṃ cāśravaṇīyaṃ ca / (5.3) Par.?
pāpmanā hy etad viddham // (5.4) Par.?
atha ha mana udgītham upāsāṃcakrire / (6.1) Par.?
taddhāsurāḥ pāpmanā vividhuḥ / (6.2) Par.?
tasmāt tenobhayaṃ saṃkalpayate saṃkalpanīyaṃ cāsaṃkalpanīyaṃ ca / (6.3) Par.?
pāpmanā hy etad viddham // (6.4) Par.?
atha ha ya evāyaṃ mukhyaḥ prāṇas tam udgītham upāsāṃcakrire / (7.1) Par.?
taṃ hāsurā ṛtvā vidadhvaṃsur yathāśmānam ākhaṇam ṛtvā vidhvaṃsetaivam // (7.2) Par.?
evaṃ yathāśmānam ākhaṇam ṛtvā vidhvaṃsata evaṃ haiva sa vidhvaṃsate ya evaṃvidi pāpaṃ kāmayate yaś cainam abhidāsati / (8.1) Par.?
sa eṣo 'śmākhaṇaḥ // (8.2) Par.?
naivaitena surabhi na durgandhi vijānāti / (9.1) Par.?
apahatapāpmā hy eṣaḥ / (9.2) Par.?
tena yad aśnāti yat pibati tenetarān prāṇān avati / (9.3) Par.?
etam u evāntato 'vittvotkrāmati / (9.4) Par.?
vyādadāty evāntata iti // (9.5) Par.?
taṃ hāṅgirā udgītham upāsāṃcakre / (10.1) Par.?
etam u evāṅgirasaṃ manyante 'ṅgānāṃ yad rasaḥ // (10.2) Par.?
tena taṃ ha bṛhaspatir udgītham upāsāṃcakre / (11.1) Par.?
etam u eva bṛhaspatiṃ manyante / (11.2) Par.?
vāgghi bṛhatī tasyā eṣa patiḥ // (11.3) Par.?
tena taṃ hāyāsya udgītham upāsāṃcakre / (12.1) Par.?
etam u evāyāsyaṃ manyante / (12.2) Par.?
āsyād yad ayate // (12.3) Par.?
tena taṃ ha bako dālbhyo vidāṃcakāra / (13.1) Par.?
sa ha naimiṣīyānām udgātā babhūva / (13.2) Par.?
sa ha smaibhyaḥ kāmān āgāyati // (13.3) Par.?
āgātā ha vai kāmānāṃ bhavati ya etad evaṃ vidvān akṣaram udgītham upāste / (14.1) Par.?
ity adhyātmam // (14.2) Par.?
Duration=0.075659036636353 secs.