UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7560
- Click on a sentence to show its analysis
- Keep the mouse pointer over a lemma to show its meanings.
puruṣo vāva yajñaḥ / (1.1)
Par.?
tasya yāni caturviṃśativarṣāṇi tat prātaḥsavanam / (1.2)
Par.?
caturviṃśatyakṣarā gāyatrī / (1.3)
Par.?
gāyatraṃ prātaḥsavanam / (1.4)
Par.?
tad asya vasavo 'nvāyattāḥ / (1.5)
Par.?
prāṇā vāva vasavaḥ / (1.6)
Par.?
ete hīdaṃ sarvaṃ vāsayanti // (1.7)
Par.?
taṃ ced etasmin vayasi kiṃcid upatapet sa brūyāt / (2.1)
Par.?
prāṇā vasava idaṃ me prātaḥsavanaṃ mādhyaṃdinaṃ savanam anusaṃtanuteti māhaṃ prāṇānāṃ vasūnāṃ madhye yajño vilopsīyeti / (2.2)
Par.?
uddhaiva tata ety agado ha bhavati // (2.3)
Par.?
atha yāni catuścatvāriṃśadvarṣāṇi tan mādhyaṃdinaṃ savanam / (3.1)
Par.?
catuścatvāriṃśadakṣarā triṣṭup / (3.2)
Par.?
traiṣṭubhaṃ mādhyaṃdinaṃ savanam / (3.3)
Par.?
tad asya rudrā anvāyattāḥ / (3.4)
Par.?
prāṇā vāva rudrāḥ / (3.5)
Par.?
ete hīdaṃ sarvaṃ rodayanti // (3.6)
Par.?
taṃ ced etasmin vayasi kiṃcid upatapet sa brūyāt / (4.1)
Par.?
prāṇā rudrā idaṃ me mādhyaṃdinaṃ savanaṃ tṛtīyasavanam anusaṃtanuteti māhaṃ prāṇānāṃ rudrāṇāṃ madhye yajño vilopsīyeti / (4.2)
Par.?
uddhaiva tata ety agado ha bhavati // (4.3)
Par.?
atha yāny aṣṭācatvāriṃśadvarṣāṇi tat tṛtīyasavanam / (5.1)
Par.?
aṣṭācatvāriṃśadakṣarā jagatī / (5.2)
Par.?
jāgataṃ tṛtīyasavanam / (5.3)
Par.?
tad asyādityā anvāyattāḥ / (5.4)
Par.?
prāṇā vāvādityāḥ / (5.5)
Par.?
ete hīdaṃ sarvam ādadate // (5.6)
Par.?
taṃ ced etasmin vayasi kiṃcid upatapet sa brūyāt / (6.1)
Par.?
prāṇā ādityā idaṃ me tṛtīyasavanam āyur anusaṃtanuteti māhaṃ prāṇānām ādityānāṃ madhye yajño vilopsīyeti / (6.2)
Par.?
uddhaiva tata ety agado haiva bhavati // (6.3) Par.?
etaddha sma vai tad vidvān āha mahidāsa aitareyaḥ / (7.1)
Par.?
sa kiṃ ma etad upatapasi yo 'ham anena na preṣyām iti / (7.2)
Par.?
sa ha ṣoḍaśaṃ varṣaśatam ajīvat / (7.3)
Par.?
pra ha ṣoḍaśaṃ varṣaśataṃ jīvati ya evaṃ veda // (7.4)
Par.?
Duration=0.077015161514282 secs.