Texts

Help

Select a text:
Bibliography
Select a chapter:
 (no revisions)
Associated topic(s): mantra

Show parallels  Show headlines
Use dependency labeler
Chapter id: 167
  • Click on a sentence to show its analysis
  • Keep the mouse pointer over a lemma to show its meanings.
akāro vāsudevaḥ syād ākāraś ca pitāmahaḥ / (1.1) Par.?
pūjāyām api māṅgalye ākāraḥ parikīrttitaḥ // (1.2) Par.?
ikāro ucyate kāmo lakṣmī rīkāra ucyate / (2.1) Par.?
ukāraḥ śaṅkaraḥ prokta ūkāraś cāpi rakṣaṇe // (2.2) Par.?
ṛkāro devamātā syād ṝkāro danujaprasūḥ / (3.1) Par.?
ᄆkāro devayoniḥ syāl ᄇr mātā sadbhir ucyate // (3.2) Par.?
ekāraḥ kathito viṣṇur aikāraś ca maheśvaraḥ / (4.1) Par.?
okāras tu bhaved brahmā aukāro rudra ucyate // (4.2) Par.?
aṃ syāc ca paramaṃ brahma aḥ syād devo maheśvaraḥ / (5.1) Par.?
kaḥ prajāpatir uddiṣṭo ko vāyur iti śabditaḥ // (5.2) Par.?
kaś cātmā ca samākhyātaḥ kaḥ prakāśa udāhṛtaḥ / (6.1) Par.?
kaṃ śiro jalam ākhyātaṃ kaṃ sukhaṃ ca prakīrtitam // (6.2) Par.?
pṛthivyāṃ kuḥ samākhyātā kutsāyāṃ kuḥ prakīrtitaḥ / (7.1) Par.?
kham indriyaṃ samākhyātaṃ kham ākāśam udāhṛtam // (7.2) Par.?
khaṃ svarge ca samākhyātaṃ khaṃ sarpe ca prakīrtitaṃ / (8.1) Par.?
tathā śvabhre ca khaṃ prāhuḥ khaṃ śūnye ca prakīrttitam // (8.2) Par.?
go gaṇapatir uddiṣṭo go gandharvaḥ prakīrttitaḥ / (9.1) Par.?
gaṃ gītaṃ gā ca gāthā syād gaur dhenur gauḥ sarasvatī // (9.2) Par.?
gaur mātāpi samuddiṣṭā pṛthivyāṃ gauḥ prakīrttitā / (10.1) Par.?
gho ghaṇṭāyāṃ samākhyātaḥ kiṅkiṇī ghā prakīrttitā // (10.2) Par.?
upamā ghā samākhyātā kusvare ghuḥ prakīrttitaḥ / (11.1) Par.?
hanane ghā samākhyātā gandhane ghaḥ prakīrttitaḥ // (11.2) Par.?
ṅakāro bhairavaḥ khyāto ṅakāro viṣaye smṛtaḥ / (12.1) Par.?
cakāraś candramāḥ khyātas taskaraś ca prakīrttitaḥ // (12.2) Par.?
nirmalaṃ chaṃ samākhyātaṃ taraṇī chaḥ prakīrttitaḥ / (13.1) Par.?
chedane chaḥ samākhyāto vidvadbhiḥ śabdakovidaiḥ // (13.2) Par.?
vegite jaḥ samākhyāto jaghane jaḥ prakīrttitaḥ / (14.1) Par.?
jetā ca jaḥ samākhyātaḥ prasiddhaiḥ śabdakovidaiḥ // (14.2) Par.?
jhaṃjhāvāte jhakāraḥ syān naṣṭe jhaḥ samudāhṛtaḥ / (15.1) Par.?
ñakāro gāyane prokto ñakāro ghargharadhvanau // (15.2) Par.?
ṭaṅkāre ṭaḥ pṛthivyāṃ ṭā ṭo dhvanau ca prakīrtitaḥ / (16.1) Par.?
ṭho maheśvara ākhyātaḥ śūnye ca ṭhaḥ prakīrtitaḥ // (16.2) Par.?
bṛhaddhvanau ca ṭhaḥ proktas tathā candrasya maṇḍale / (17.1) Par.?
ḍakāraḥ śaṅkaraḥ proktas trāsadhvanyoḥ prakīrtitaḥ // (17.2) Par.?
ḍhakāraḥ kīrtitā ḍhakkā nirguṇe ca dhvanāv api / (18.1) Par.?
ṇakāraḥ kīrtito jñāne nirṇaye 'pi prakīrtitaḥ // (18.2) Par.?
takāraḥ kathitaś cauraḥ kroḍe pucche prakīrtitaḥ / (19.1) Par.?
śiloccaye thakāraḥ syāt thakāro bhayarakṣaṇe // (19.2) Par.?
daṃ kalatre samākhyātaṃ do dānacchedadhātuṣu / (20.1) Par.?
dhaṃ dhane ca dhaneśe dho dhā dhātari nidarśitaḥ // (20.2) Par.?
dhiṣaṇā dhīḥ samākhyātā dhūś ca syād bhāracintayoḥ / (21.1) Par.?
nakāraḥ sugate bandhe nuḥ stutau ca prakīrtitaḥ // (21.2) Par.?
netā nīś ca samākhyātas taraṇau nauḥ prakīrtitā / (22.1) Par.?
nakāraḥ saugate buddhau stuto sūrye ca kīrtitaḥ // (22.2) Par.?
naśabdaḥ svāgate bandhau vṛkṣe sūrye ca kīrtitaḥ / (23.1) Par.?
paḥ kuberaḥ samākhyātaḥ paścime ca prakīrtitaḥ // (23.2) Par.?
pavane paḥ samākhyātaḥ pāḥ pāne pāś ca pātari / (24.1) Par.?
kaphe vāte phakāraḥ syāt tathāhvāne prakīrtitaḥ // (24.2) Par.?
jhaṃjhāvāte phakāraḥ syād akṣare ca prakīrtitaḥ / (25.1) Par.?
kope phiś ca samākhyātas tathā niṣphalabhāṣaṇe // (25.2) Par.?
vakṣaḥsthale ca baḥ prokto gadāyāṃ samudāhṛtaḥ / (26.1) Par.?
nakṣatraṃ bhaṃ budhaiḥ proktaṃ bhramare bhaḥ prakīrtitaḥ // (26.2) Par.?
bhā dīptir api bhūr bhūmir bhīr bhayaṃ kathitā budhaiḥ / (27.1) Par.?
maḥ śivaś candramā vedhā mā ca lakṣmīḥ prakīrtitā // (27.2) Par.?
Duration=0.13214588165283 secs.