Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8944
  • Click on a sentence to show its analysis
  • Keep the mouse pointer over a lemma to show its meanings.
tad yathā gaur iti śabdo gaur ity artho gaur iti jñānam ity avibhāgena vibhaktānām api grahaṇaṃ dṛṣṭam / (1.1) Par.?
vibhajyamānāścānye śabdadharmā anye arthadharmā anye jñānadharmā ity eteṣāṃ vibhaktaḥ panthāḥ / (1.2) Par.?
tatra samāpannasya yogino yo gavādyarthaḥ samādhiprajñāyāṃ samārūḍhaḥ sa cec chabdārthajñānavikalpānuviddha upāvartate sā saṃkīrṇā samāpattiḥ savitarkety ucyate / (1.3) Par.?
yadā punaḥ śabdasaṃketasmṛtipariśuddhau śrutānumānajñānavikalpaśūnyāyāṃ samādhiprajñāyāṃ svarūpamātreṇāvasthito 'rthas tatsvarūpākāramātratayaivāvacchidyate sā ca nirvitarkā samāpattiḥ / (1.4) Par.?
tat paraṃ pratyakṣam / (1.5) Par.?
tac ca śrutānumānayor bījam / (1.6) Par.?
tataḥ śrutānumāne prabhavataḥ / (1.7) Par.?
na ca śrutānumānajñānasahabhūtaṃ taddarśanam / (1.8) Par.?
tasmād asaṃkīrṇaṃ pramāṇāntareṇa yogino nirvitarkasamādhijaṃ darśanam iti / (1.9) Par.?
nirvitarkāyāḥ samāpatter asyāḥ sūtreṇa lakṣaṇaṃ dyotyate // (1.10) Par.?
Duration=0.039002895355225 secs.