Texts

Select a text:
Bibliography

Select a chapter:
(no revisions)

Associated topic(s): Nyāya

Show parallels Show headlines
Use dependency labeler

Chapter id: 7181

Click on a sentence to show its analysis
Keep the mouse pointer over a lemma to show its meanings.

susmūrṣayā manaso dhāraṇaṃ praṇidhānaṃ susmūrṣitaliṅgacintanaṃ cārthasmṛtikāraṇam // (1.1) Par.?

nibandhaḥ khalvekagranthopayamo 'rthānām ekagranthopayatāḥ khalvarthā anyonyasmṛtihetava ānupūrvyeṇetarathā vā bhavantīti // (2.1) Par.?

dhāraṇaśāstrakṛto vā prajñāteṣu vastuṣu smartavyānām upanikṣepo nibandha iti // (3.1) Par.?

abhyāsas tu samāne viṣaye jñānānām abhyāvṛttiḥ abhyāsajanitaḥ saṃskāra ātmaguṇo 'bhyāsaśabdenocyate sa ca smṛtihetuḥ samāna iti // (4.1) Par.?

liṅgaṃ punaḥ saṃyogi samavāyyekārthasamavāyi virodhi ceti // (5.1) Par.?

yathā dhūmo 'gner gor viṣāṇaṃ pāṇiḥ pādasya rūpaṃ sparśasya abhūtaṃ bhūtasyeti // (6.1) Par.?

lakṣaṇaṃ paśvavayavasthaṃ gotrasya smṛtihetur vidānām idaṃ gargāṇām idam iti // (7.1) Par.?

sādṛśyaṃ citragataṃ pratirūpakaṃ devadattasyetyevamādi // (8.1) Par.?

parigrahāt svena vā svāmī svāminā vā svaṃ smaryate // (9.1) Par.?

āśrayād grāmaṇyā tadadhīnaṃ saṃsmarati // (10.1) Par.?

āśritāt tadadhīnena grāmaṇyam iti // (11.1) Par.?

sambandhād antevāsinā yuktaṃ guruṃ smarati ṛtvijā yājyam iti // (12.1) Par.?

ānantaryād iti karaṇīyeṣvartheṣu // (13.1) Par.?

viyogād yena viyujyate tadviyogapratisaṃvedī bhṛśaṃ smarati // (14.1) Par.?

ekakāryāt kartrantaradarśanāt kartrantare smṛtiḥ // (15.1) Par.?

virodhād vijigīṣamāṇayor anyataradarśanād anyataraḥ smaryate // (16.1) Par.?

atiśayād yenātiśaya utpāditaḥ // (17.1) Par.?

prāpteḥ yato 'nena kiṃcit prāptam āptavyaṃ vā bhavati tam abhīkṣṇaṃ smarati // (18.1) Par.?

vyavadhānāt kośādibhir asiprabhṛtīni smaryante // (19.1) Par.?

sukhaduḥkhābhyāṃ taddhetuḥ smaryate // (20.1) Par.?

icchādveṣābhyāṃ yam icchati yaṃ ca dveṣṭi taṃ smarati // (21.1) Par.?

bhayād yato bibheti // (22.1) Par.?

arthitvād yenārthī bhojanenācchādanena vā // (23.1) Par.?

kriyayā rathena rathakāraṃ smarati // (24.1) Par.?

rāgād yasyāṃ striyāṃ rakto bhavati tām abhīkṣṇaṃ smarati // (25.1) Par.?

dharmāj jātyantarasmaraṇam iha cādhītaśrutāvadhāraṇam iti // (26.1) Par.?

adharmāt prāganubhūtaduḥkhasādhanaṃ smarati // (27.1) Par.?

na caiteṣu nimitteṣu yugapat saṃvedanāni bhavantīti yugapad asmaraṇam iti // (28.1) Par.?

nidarśanaṃ cedaṃ smṛtihetūnāṃ na parisaṃkhyānam iti // (29.1) Par.?

anityāyāṃ ca buddhāv utpannāpavargitvāt kālāntarāvasthānācca anityānāṃ saṃśayaḥ kim utpannāpavargiṇī buddhiḥ śabdavat āhosvit kālāntarāvasthāyinī kumbhavad iti // (30.1) Par.?

utpannāpavargiṇīti pakṣaḥ parigṛhyate // (31.1) Par.?

kasmāt // (32.1) Par.?

Duration=0.10536098480225 secs.