Texts

Help

Select a text:
Bibliography
Select a chapter:
 (no revisions)
Associated topic(s): Logic, Nyāya

Show parallels  Show headlines
Use dependency labeler
Chapter id: 8291
  • Click on a sentence to show its analysis
  • Keep the mouse pointer over a lemma to show its meanings.
sādharmyavaidharmyotkarṣāpakarṣavarṇyāvarṇyavikalpasādhyaprāptyaprāptipraṣaṅgapratidṛṣṭāntānutpattisaṃśayaprakaraṇahetvarthāpattyaviśeṣopapattyupalabdhyanupalabdhinityānityakāryasamāḥ // (1) Par.?
sādharmyavaidharmyābhyāmupasaṃhāre taddharmaviparyayopapatteḥ sādharmyavaidharmyasamau // (2) Par.?
gotvād gosiddhivat tatsiddhiḥ // (3) Par.?
utkarṣasamādijātiṣaṭkaprakaraṇam // (4) Par.?
sādhyadṛṣṭāntayor dharmavikalpād ubhayasādhyatvāc cotkarṣāpakarṣavarṇyavikalpasādhyasamāḥ // (5) Par.?
kiṃcitsādharmyād upasaṃhārasiddher vaidharmyād apratiṣedhaḥ // (6) Par.?
sādhyātideśācca dṛṣṭāntopapatteḥ // (7) Par.?
prāptyaprāptisamajātidvayaprakaraṇam
prāpya sādhyam aprāpya vā hetoḥ prāptyāviśiṣṭatvād aprāptyāsādhakatvācca prāptyaprāptisamau // (8) Par.?
ghaṭādiniṣpattidarśanāt pīḍane cābhicārādapratiṣedhaḥ // (9) Par.?
prasaṅgapratidṛṣṭāntasamaprakaraṇam
dṛṣṭāntasya kāraṇānapadeśāt pratyavasthānācca pratidṛṣṭāntena prasaṅgapratidṛṣṭāntasamau // (10) Par.?
pradīpopādānaprasaṅganivṛttivat tadvinivṛttiḥ // (11) Par.?
pratidṛṣṭāntahetutve ca nāheturdṛṣṭāntaḥ // (12) Par.?
anutpattisamaprakaraṇam
prāgutpatteḥ kāraṇābhāvād anutpattisamaḥ // (13) Par.?
tathābhāvādutpannasya kāraṇopapatterna kāraṇapratiṣedhaḥ // (14) Par.?
saṃśayasamaprakaraṇam
sāmānyadṛṣṭāntayor aindriyakatve samāne nityānityasādharmyāt saṃśayasamaḥ // (15) Par.?
sādharmyātsaṃśaye na saṃśayo vaidharmyādubhayathā vā saṃśaye 'tyantasaṃśayaprasaṅgo nityatvānabhyupagamācca sāmānyasyāpratiṣedhaḥ // (16) Par.?
prakaraṇasamaprakaraṇam
ubhayasādharmyāt prakriyāsiddheḥ prakaraṇasamaḥ // (17) Par.?
pratipakṣāt prakaraṇasiddheḥ pratiṣedhānupapattiḥ pratipakṣopapatteḥ // (18) Par.?
ahetusamaprakaraṇam
traikālyāsiddherhetorahetusamaḥ // (19) Par.?
na hetutaḥ sādhyasiddhes traikālyāssiddhiḥ // (20) Par.?
pratiṣedhānupapatteśca pratiṣeddhavyāpratiṣedhaḥ // (21) Par.?
arthāpattisamaprakaraṇam
arthāpattitaḥ pratipakṣasiddherarthāpattisamaḥ // (22) Par.?
anuktasyārthāpatteḥ pakṣahāner upapattir anuktatvād anaikāntikatvāc cārthāpatteḥ // (23) Par.?
aviśeṣasamaprakaraṇam
ekadharmopapatteraviśeṣe sarvāviśeṣaprasaṅgāt sadbhāvopapatteḥ // (24) Par.?
aviśeṣasamaḥ // (25) Par.?
kvaciddharmānupapatteḥ kvaciccopapatteḥ pratiṣedhābhāvaḥ // (26) Par.?
ubhayokāraṇopapatter upapattisamaḥ // (27) Par.?
uapapattikāraṇābhyaniñjānād apratiṣedhaḥ // (28) Par.?
upalabdhisamaprakaraṇam
nirdiṣṭakāraṇābhāve 'pyupalambhādupalabdhisamaḥ // (29) Par.?
kāraṇāntarādapi taddharmopapatterapratiṣedhaḥ // (30) Par.?
anupalabdhisamaprakaraṇam
tadanupalabdher anupalambhād abhāvasiddhau tadviparītopapatter anupalabdhisamaḥ // (31) Par.?
anupalambhātmakatvād anupalabdher ahetuḥ // (32) Par.?
jñānavikalpānāṃ ca bhāvābhāvasaṃvedanād adhyātmam // (33) Par.?
sādharmyāttulyadharmopapatteḥ sarvānityatvaprasaṅgādanityasamaḥ // (34) Par.?
sādharmyādasiddheḥ pratiṣedhāsiddhiḥ pratiṣedhyasādharmyācca // (35) Par.?
dṛṣṭānte ca sādhyasādhanabhāvena prajñātasya dharmasya tasya cobhayathā bhāvānnāviśeṣaḥ // (36) Par.?
anityasamaprakaraṇam
nityamanityabhāvādanitye nityatvopapatternityasamaḥ // (37) Par.?
pratiṣedhye nityamanityabhāvādanitye 'nityatvopapatteḥ pratiṣedhābhāvaḥ // (38) Par.?
kāryasamaprakaraṇam
prayatnakāryānekatvāt kāryasamaḥ // (39) Par.?
kāryānyatve prayatnāhetutvam anupalabdhikāraṇopapatteḥ // (40) Par.?
ṣaṭpakṣīprakaraṇam
pratiṣedhe 'pi samānadoṣaḥ // (41) Par.?
sarvatraivam // (42) Par.?
pratiṣedhavipratiṣedhe pratiṣedhadoṣavad doṣaḥ // (43) Par.?
pratiṣedhaṃ sadoṣamabhyupetya pratiṣedhavipratiṣedhe samāno doṣaprasaṅgo matānujñā // (44) Par.?
svapakṣalakṣaṇāpekṣopapattyupasaṃhāre hetunirdeśe parapakṣadoṣābhyupagamāt samāno doṣa iti // (45) Par.?
Duration=0.073666095733643 secs.