Texts

nārada uvāca / (1.1) Par.?

rāmaḥ pampāsaro gatvā śocan sa śarvarīṃ tataḥ / (1.2) Par.?

hanūmatā sa sugrīvaṃ nīto mitraṃ cakāra ha // (1.3) Par.?

sapta tālān vinirbhidya śareṇaikena paśyataḥ / (2.1) Par.?

pādena dundubheḥ kāyaṃ cikṣepa daśayojanaṃ // (2.2) Par.?

tadripuṃ vālinaṃ hatvā bhrātaraṃ vairakāriṇam / (3.1) Par.?

kiṣkindhāṃ kapirājyaṃ ca rumāṃ tārāṃ samarpayat // (3.2) Par.?

ṛṣyamūke harīśāya kiṣkindheśo 'bravītsa ca / (4.1) Par.?

sītāṃ tvaṃ prāśyase yadvat tathā rāma karomi te // (4.2) Par.?

tac chrutvā mālyavatpṛṣṭhe cāturmāsyaṃ cakāra saḥ / (5.1) Par.?

kiṣkindhāyāṃ ca sugrīvo yadā nāyāti darśanaṃ // (5.2) Par.?

tadābravīttaṃ rāmoktaṃ lakṣmaṇo vraja rāghavam / (6.1) Par.?

na sa saṃkucitaḥ panthā yena vālī hato gataḥ // (6.2) Par.?

samaye tiṣṭha sugrīva mā vālipatham anvagāḥ / (7.1) Par.?

sugrīva āha saṃsakto gataṃ kālaṃ na buddhavān // (7.2) Par.?

ityuktvā sa gato rāmaṃ natvovāca harīśvaraḥ / (8.1) Par.?

ānītā vānarāḥ sarve sītāyāś ca gaveṣaṇe // (8.2) Par.?

tvanmatāt preṣayiṣyāmi vicinvantu ca jānakīm / (9.1) Par.?

pūrvādau māsamāyāntu māsādūrdhvaṃ nihanmi tān // (9.2) Par.?

ityuktā vānarāḥ pūrvapaścimottaramārgagāḥ / (10.1) Par.?

jagmū rāmaṃ sasugrīvam apaśyantas tu jānakīm // (10.2) Par.?

rāmāṅgulīyaṃ saṃgṛhya hanūmān vānaraiḥ saha / (11.1) Par.?

dakṣiṇe mārgayāmāsa suprabhāyā guhāntike // (11.2) Par.?

māsād ūrdhvaṃ ca vinyastā apaśyantastu jānakīm / (12.1) Par.?

ūcurvṛthā mariṣyāmo jaṭāyurdhanya eva saḥ // (12.2) Par.?

sītārthe yo 'tyajat prāṇān rāvaṇena hato raṇe / (13.1) Par.?

tac chrutvā prāha sampātir vihāya kapibhakṣaṇaṃ // (13.2) Par.?

bhrātāsau me jaṭāyurvai mayoḍḍīno 'rkamaṇḍalam / (14.1) Par.?

arkatāpādrakṣito 'gāt dagdhapakṣo 'ham abhragaḥ // (14.2) Par.?

rāmavārtāśravāt pakṣau jātau bhūyo 'tha jānakīm / (15.1) Par.?

paśyāmyaśokavanikāgatāṃ laṅkāgatāṃ kila // (15.2) Par.?

śatayojanavistīrṇe lavaṇābdhau trikūṭake / (16.1) Par.?

jñātvā rāmaṃ sasugrīvaṃ vānarāḥ kathayantu vai // (16.2) Par.?

ity ādimahāpurāṇe āgneye rāmāyaṇe kiṣkindhākāṇḍavarṇanaṃ nāma aṣṭamo 'dhyāyaḥ / (17.1) Par.?